'सौन्दर्य कलामा नै मैले आफ्नो भविष्य सुनौलो देखें'

वरिष्ठ सौन्दर्यविद सोनी कारंजित नेपालको सौन्दर्य कला क्षेत्रको लागि परिचित नाम हो । विगत २ दशक भन्दा बढी समय सौन्दर्य क्षेत्रमा बिताई सकेकी सोनी कारंजित सौन्दर्य क्षेत्रमा विज्ञको रुपमा चर्चित छिन् । उनले २० वर्ष अघिबाट रोज शिप विकास तालिम केन्द्र रविभवन काठमाडौंको स्थापना गरी व्यवसायिक रुपमा पार्लर व्यवसाय सुरु गरेकी थिइन् । अहिले यो पार्लर देशभर स्थापित र परिचित नाम बनिसकेको छ । १० हजार भन्दाबढी महिला तथा पुरुषहरुलाई विभिन्न शिप सिकाएर स्वरोजगार तथा आत्मनिर्भर बनाइसकेकी उनले सुरुवाती समयमा निकै कठिन परिस्थितिमा आफूले काम गर्न परेको अनुभव सुनाउँछिन्। सौन्दर्य पेशालाई मर्यादित तथा उधोगको रुपमा स्थापित गर्न लागिपरेकी  कारंजित सामाजिक कार्यमा समेत उत्तिकै सक्रिय छिन्।  सौन्दर्यकर्मीहरुको मनोबल बढाउन व्यक्तित्व विकास,आत्मविश्वास अभिवृद्धिको लागि ब्युटिसियन ट्यालेण्ट नेपालको आयोजना गर्दै आएको र उनीहरुको कामलाइ सम्मान गर्न नेपाल ब्युटिसियन एण्ड फेसन अवार्डको समेत आयोजना गर्न लागेको उनले बताइन्। उधोग व्यवसाय, महिला सशक्तीकरण, सामाजिक कार्य र नारी हकहितमा दरिलो खम्बा बनेकी कारंजितसँगग गरिएको संक्षिप्त कुराकानीः 

 

नमस्कार, आजभोलि के गर्दै हुनु हुन्छ ?

 

नमस्कार । आजभोलि ब्युटी ट्रेनिङ सेन्टरमा नै व्यस्त छु। १०० जनाभन्दा बढी विद्यार्थीहरु ब्युटिसियन कोर्स, सिलाइ बुनाइ तथा हस्तकलाको प्रशिक्षण लिइरहेका छन्।  त्यसैगरी विभिन्न सेमिनार, प्रशिक्षण, विभिन्न कार्यक्रमहरुमा निर्णायकको भूमिकामा दिनचर्या बितिरहेको छ।

 

तपाईको विचारमा सुन्दरता के हो ?

 

सुन्दरतालाई समय, ठाउँ र सन्दर्भअनुसार फरकफरक रूपले अर्थाइन्छ। कसैका लागि सुन्दरता सुन्दर अनुहार होला, सुन्दर अनुहार पनि कालो, गोरो, गहुँगोरो विभिन्न पर्न सक्छन्। कसैलाई सुन्दरता मन होला, कसैलाई सुन्दरता व्यक्तित्व लाग्न सक्छ अनि कसैलाई आकर्षण र आत्मविश्वास पनि मानिसको सुन्दरता लाग्न सक्छ। मेरो विचारमा सुन्दरता भनेको भावनात्मक कुरा हो, जसलाई एउटै विशेषण र परिभाषाभित्र सीमित राख्न सकिँदैन। यसका विविध आयाम हुन्छन्। यसलाई विविध आयमबाट व्याख्या एवं विश्लेष्ण गर्नुपर्छ। जस्तो भूगोल, वर्ण, जातजाति, लिंग, वर्ग, सुमदाय संस्कृतिअनुसार सुन्दरताको परिभाषा फरकफरक हुन्छ। प्रकृतीले नै हरेक मानिसलाई जन्मजात केही न केही सुन्दरता दिएको छ ।

 

हामी सौन्दर्यकर्मीको त्यसैलाई अलिकति निखार ल्याइदिने हो। उनीहरुको रुप–रंग र जीऊडाल अनुसार मेकअप द्वारा सजाइदिने हो भने बाहिरी आवरणलाइ सुन्दर बनाइदिने हाम्रो काम हो। यो त भयो बाहिरी सुन्दरताको कुरा तर मेरो बिचारमा एउटा सुन्दर व्यक्ति बन्नका लागि दृश्य र अदृश्य अर्थात बाहिरी आवरण र भित्रि मन दुवै आकर्षक हुनुपर्छ ।

 

सौन्दर्य कला ब्यबसायमा पहिले र अहिलेको अबस्था कस्तो छ ?

 

सुरु सुरुमा सौन्दर्यकर्मीलाई आम मानिसले राम्रो नजरले हेर्दैन थिए, विभिन्न आक्षेपहरु लगाउने गर्थे तर बिस्तारै समय परिवर्तन हुँदै गयो, मानिसहरुको सोच परिवर्तन हुँदै गयो, अत्याधिक मान्छेहरु पार्लर धाउन थाले, आफ्नो सौन्दर्य प्रति सचेत हुन थाले। अहिले सौन्दर्यकला व्यवसाय महिला दिदी–बहिनीहरुको लागि एउटा मर्यादित पेशा बनेको छ।  स्वरोजगार तथा आत्मानिर्भर हुने एउटा दरिलो पाटो भएको छ। त्यसैले अहिले सौन्दर्यकला व्यवसायमा आकर्षण बढेको छ भने अनुहार र शरीरमा देखिएको उसको सौन्दर्यले अन्यलाई आकर्षण वा विकर्षण के गर्छ भन्नेमा भर पर्छ। यसर्थ मानव जीवनमा र उसको व्यक्तित्वमा सौन्दर्यले ठूलो भूमिका खेलेको पनि हुन्छ । त्यसैले पनि होला अहिलेको अवस्थामा सौन्दर्यकर्मीको माग र इज्जत पनि उत्तिकै बढ्दो छ ।

 

तपाईंले किन यही क्षेत्र रोज्नुभयो ?

 

म आत्मानिर्भर र स्वाभिमानी महिला बन्न चाहन्थे, पहिलो त यो मेरो सानैदेखिको रुचिको विधा–क्षेत्र हो, दोस्रो, सौन्दर्य कलामा नै मैले आफ्नो भविष्य सुनौलो देखें । अहिले अन्यको तुलनामा सौन्दर्य कलाको क्षेत्रमा नै नाम र दाम छ पनि छ । फेरि सानैदेखि आफ्ना साथीहरु भन्दा मेरो सोच र सोख पृथक थियो। लवाइखवाइ र सौन्दर्यमा विशेष ध्यान दिन्थें । घर बस्दा होस् या स्कुल जाँदा वा बाहिरफेर कतै निस्कँदा नै किन नहोस्– आफू अरुको तुलनामा फरक देखिन चाहन्थेँ । त्यसैले शरीर सुहाउँदो कपडा लगाउनेमात्रै होइन– त्यहीअनुसार मिल्दो श्रृंगार पनि गर्दथेँ । त्यतिबेलै मैले भविष्यको गन्तव्य पहिल्याउन थाले। अन्ततः मेरो सपना साकार पनि भयो र म ब्युटिसियन बने ।

 

सौन्दर्य पेशाको भविष्य होला ?

 

सौन्दर्य पेशाको भविष्य सुनौलो छ । किनभने यो सवै आवश्यकता र समयको माग हो । विवाहदेखि, पार्टी, फोटोसुट, म्युजिक भिडियो, टेलिफिल्म, फिल्म, फेशन सो आदि सबैमा सौन्दर्य कला र कलाकर्मीको आवश्यकता पर्छ । त्यसैले अहिले प्रशिक्षण लिन आउनेको संख्या पनि बढेको छ । फेरि मेकअप आज चाहिने, भोलि नचाहिने भन्ने हुँदैन । मेकअप आर्टिस्टले बेरोजगार बस्नुपर्दैैन । त्यसैले आजभोलि मेकअप आर्टिस्टको माग क्रमशः बढ्दो छ । पहिलेजस्तो होइन, अहिले नेपालीको सोचमा पनि आमूल परिवर्तन आएको छ । केही समयअघिसम्म नेपालमा सौन्दर्य व्यवसायलाई खासै राम्रो दृष्टिकोणले हेरिँदैनथ्यो । 

 

तर, समय परिस्थितिसँगै व्यक्ति र समाजको सोचमा पनि आमूल परिवर्तन आएको छ । अझ पछिल्ला दिनमा त मानव जीवनको लागि सौन्दर्य सिँगार अपरिहार्य जस्तै बनेको छ । त्यसैले सौन्दर्य पेश व्यावसायिक रूपमा नै द्रुत गतिमा फस्टाउन थालेको छ । व्यवसायिक सौन्दर्यकर्मीको आम्दानी समेत मनग्य हुन्छ। यो पेशा घरमानै बसेर पनि गर्न सकिने भएकोले हजारौ महिला दिदि बहिनीहरुको रोजाइको पेशा भएको परिपेक्षमा सौन्दर्य पेशाको भविष्य सुनिश्चित छ।  यो व्यवसायमा आबद्ध भएपछि, लगनशील, आत्मनिर्भर, स्वावलम्बी र साहसी मात्रै बनेका छैनन्– समाजसेवातर्फ पनि पाइला अघि बढाइरहेका छन् ।

 

सौन्दर्यकला क्षेत्र अगाँलेर तपार्इ सन्तुष्ट हुनुहुन्छ ?

 

मैले आज सम्म १० हजार भन्दाबढी सौन्दर्यकर्मी उत्पादन गरिसकेकि छु।  धेरैलाई स्वरोजगार र आत्मानिर्भर बनाएकी छु। यदि म आत्मा सन्तुष्ट थिएन भने विगत २ दशक देखि यहि पेशामा आबद्ध हुने थिइन् होला।  मलाई हजारौ महिला दिदीबहिनीको आशिर्बाद छ, सबै बिद्यार्थीहरु मेरो लागि समान छन्। उनीहरुको हरेक सुख दुखमा साथ दिने गरेकी छु।  

 

देश भरि बाटनै रोज सीप विकाश तालिम केन्द्र रविभवनमा सौन्दर्य(कला सिक्ने आउने मानिसहरुको भिड छ।  मैले आज सम्म कमाएको मेरो धन सम्पति ख्याति जे भनेनि मेरो स्टुडेण्टहरु नै हुन्। सौन्दर्यकला क्षेत्रमा लागेर मैले देश विदेश घुम्ने, नयाँ नयाँ प्रबिधि हेर्ने र टेक्नोलोजीहरु सिक्ने मौका पाए। यहि पेशामा लागेर सामाजिक कार्यमा सक्रिय भएको छु, नारी सशक्तिकरणको विषयमा, महिला स्वरोजगार, आत्मानिर्भरताको बिषयमा आवाज उठाउन सक्ने भएको छु।  यस अर्थमा पनि सौन्दर्यकला क्षेत्रमा लागेर सन्तुष्ट छु। 

 

नयाँ आउने सौन्दर्यकर्मीहरुलाइ के–कस्तो सुझाव दिन चाहनुहुन्छ ?

 

नयाँ आउने सौन्दर्यकर्मीहरुलाइ के भन्न चाहन्छु भने, सौन्दर्यकला ब्यबसाय एक मर्यादित पेशा हो।  हामी महिला दिदी–बहिनीहरु आत्मनिर्भर भएर स्वरोजगार बन्न सक्ने व्यवसाय हो।  यो पेशामा आउनु भन्दा अगाडी राम्रो एकेडेमी, ट्रेनीङ सेन्टरमा गएर दक्ष प्रशिक्षक मार्फत तालिम लिनु होला। नयाँ–नयाँ प्रबिधिहरु नयाँ नयाँ टेक्निकहरुको विकास भईरहेको हुँदा आफुलाई संधै अपडेट राख्नु होला। सिटीइभिटि बाट हुने स्किल टेष्टमा भाग लिएर आफुलाई समेत दक्ष बनाउन हुन सुझाव दिन्छु। 

 

सामाजिक कार्यमा समेत तपार्इ सक्रिय हुनुहुन्छ, के कस्ता कामहरु गर्दै हुनुहुन्छ ?

 

मैले सयौं एकल महिला, पिडित, असाहय तथा निम्नाबर्गका महिला दिदीबहिनीहरुलाइ निशुल्क सौन्दर्यकला, हस्तकला तालिम प्रदान गर्दै आएको छु। धेरैलाइ रोजगारीको अवसर दिएको छु। म एकदम कोमल हृदयको महिला हुँ, अरुको दुख पिडा देख्न सक्दिन। हामि सामाजिक प्राणि भएर जन्मे पछि समाजको लागि समेत ठोस योगदान पुर्याउनु पर्छ जस्तो लाग्छ तसर्थ मैले विभिन्न माध्यम बाट आफुले सक्ने सहयोग गर्दै आएकी छु।  

 

लकडाउनको समयमा खाना वितरण देखि राहत वितरण सम्मको कार्यहरु गरेको छु। मानिस आफैले चाहेर कोहि पनि अनाथ र गरिब हुने होइन त्यसैले आफुले आर्जन गरेको रकम बाट केहि प्रतिशत सामाजिक कार्यमा लगाउने गरेकी छु। अरुको लागि बाच्नुमा पनि आत्मासंतुष्टि मिल्छ।  

 

जीवनको अर्थ के हो ?

 

जीवन आफ्नो लागि मात्र जिउनुको कुनै अर्थ हुँदैन, हामी सामाजिक प्राणि भएकोले गर्दा देश र समाजको लागि केहि गर्नुपर्छ भन्ने मान्यता राख्छु। यो देशलाइ समृद्द अनि विकसित बनाउने जिम्मा हाम्रो पनि हो। काम गर्दै जाँदा कहिले राम्रो हुन्छ कहिले नराम्रो हुन्छ तर पनि हामी आफ्नो लक्ष बाट बिचलित नभई राम्रो कामको लागि अगाडि बढ्नु पर्छ तसर्थ जीवन सुख दुख, हाँसो र रोदनको समिश्रण पनि हो। 

 

अन्त्यमा सोध्न छुटेको र भन्न चाहेको केहि कुरा हरु छन् कि ?

 

सर्वप्रथम त नयाँ बर्ष २०७८ को सम्पूर्णमा हार्दिक मंगलमय शुभकामना व्यक्त गर्दछु। फेरि पनि हामी अहिले कोरोनाको चपेटामा फस्दै गएका छौ।  विश्वको अर्थतन्त्र  कोभिड–१९ ले गर्दा धरासायी बनिरहेको अबस्थामा हामी अहिले राजनीति संकटमा समेत फसेका छौ। यस्ता कुराहरु बाट बिचलित नभई सबैले साबधानीपुर्बक आफ्नो ब्यापार ब्यबसाय संचालन गर्न अनुरोध गर्दछु।  कोभिड तथा देशको ताजा स्थितिले गर्दा हाम्रो सौन्दर्य पेशामा समेत ठुलो असर परेको हुँदा सम्बन्धित पक्षको ध्यानाकर्षण गराउन चाहन्छु। यदि तपाईहरु पनि दक्ष र व्यवसायिक सौन्दर्यकर्मी बन्न चाहनुहुन्छ भने सदैव रोज शिप विकाश तालिम केन्द्रको ढोका खुला रहनेछ। यदि तपाई आर्थिक स्थितिमा कम्जोर हुनुहुन्छ तर केहि काम गर्ने इच्छाशक्ति छ भने पनि सम्झनुहोला तपाइँहरुलाई हामि एक सक्षम र स्वरोजगार नागरिक बनाउनेछौँ। 


Ipay: Payment Gateway of Nepal
Reliable life insurance

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

एमाले स्थायी कमिटी बैठक आज पनि बस्दै

  • 17 minutes ago
एमाले स्थायी कमिटी बैठक आज पनि बस्दै

काठमाडौ । नेकपा एमाले स्थायी कमिटी बैठक आज (सोमबार) पनि बस्दैछ । ललितपुरको च्यासलस्थित तुल्सीलाल प्रतिष्ठानमा दिउँसो १ बजे बैठक बस्न लागेको हो । बैठकले विधान महाधिवेशनमा प्रस्तुत गरिने विधान, राजनीतिक

कांग्रेस १४ औँ महाधिवेशन : झापा गाउँपालिकाको सभापतिमा सागीरथ

  • 26 minutes ago
कांग्रेस १४ औँ महाधिवेशन : झापा गाउँपालिकाको सभापतिमा सागीरथ

झापा । नेपाली कांग्रेसको १४ औँ महाधिवेशनअन्तर्गत झापा गाउँपालिकाको सभापतिमा सागीरथ गणेश सर्वसम्मत चयन भएका छन् । पन्ध्र पालिका रहेका जिल्लामा वडा समिति चयनसँगै पालिका सभापति चयन गर्नेमा सो गाउँपालिका

इन्द्रदहमा मेला

  • 1 hour ago
इन्द्रदहमा मेला

काठमाडौं । भाद्र शुक्ल पूर्णिमाका अवसरमा भक्तपुरको धार्मिक तीर्थस्थल प्राचीन इन्द्रदह (सिद्धपोखरी)मा आज बिहानैदेखिे मेला लागेको छ । हरेक वर्ष इन्द्रजात्राका भोलिपल्ट यहाँ मेला लाग्ने गर्दछ । इन्द्र दह



पर्यटन

इन्द्रदहमा मेला

इन्द्रदहमा मेला

काठमाडौं । भाद्र शुक्ल पूर्णिमाका अवसरमा भक्तपुरको धार्मिक तीर्थस्थल प्राचीन इन्द्रदह (सिद्धपोखरी)मा आज बिहानैदेखिे मेला लागेको छ । हरेक वर्ष इन्द्रजात्राका भोलिपल्ट यहाँ मेला लाग्ने गर्दछ । इन्द्र दहमा स्नान गरी इन्द्रायणी देवीको पूजा आरधना गर्न भक्तजन घुइँचो लागेको हो ।

जीवनशैली

दादबाट यसरी जोगिनुपर्छ

दादबाट यसरी जोगिनुपर्छ

आम मानिसले छालामा आउने सबै खाले एलर्जीलाई दाद भन्ने गर्छन् । तर, दाद दुई किसिमको हुने गर्छ । चिलाउने दाद (एग्जिमा) र फंगल इनफेक्शन ।