पहिलो 'द भोइस अफ नेपाल' बने सिडी विजय अधिकारी 

• शनिबार, २९ मंसिर, २०७५
• 2 years ago
• नेपाल
• कला र मनोरञ्जन

 

काठमाडौं ।  नेपालको चर्चित गायन रियालिटी शो ‘द भोइस अफ नेपाल’ को पहिलो संस्करणमा   सिडी विजय अधिकारी विजेता    बनेका छन् ।

 

शुक्रबार राती कतारको दोहामा  सम्पन्न  ग्राण्ड फिनालेमा पोखराका अधिकारी विजेता  घोषित  भए । 

 

चर्चित हास्य कलाकार जोडी धुर्मुस सुन्तलीले विजेता घोषणा गरेका थिए। प्रतियोगितामा विजेता अधिकारी कोच  दीप श्रेष्ठको टिमबाट  थिए ।

 

'द भोइस  अफ नेपाल’ बनेसंगै अधिकारीले २५ लाख रुपैयाँको नगद पुरस्कार र  रेनोको  कार प्राप्त गरेका छन् ।

 

त्यसैगरि उनले  २० लाख रुपैयाँ बराबरको एल्बम सम्झौता र विश्व भ्रमणको अवसर समेत  पाउनेछन् ।

 

'भोइस अफ नेपाल' को फाइनलमा विजेता अधिकारीसंगै कोचहरू सनुप पौडेलको टिमबाट सप्तक दुतराज, टिम  प्रमोद खरेल्को टिमबाट  श्रीजे  थपलिया र  अभया सुब्बाको टिमबाट कुशल आचार्य  पुगेका थिए ।  

 

ग्राण्ड फिनालेमा फाइनालिस्टहरुसंगै सेमिफाइनल्मा पुग्न सफल  विद्या तिवारी, विवेक वाइवा लामा, सुशील गर्तौला र श्रेया राईले पनि लाइभ प्रस्तुति गरेका थिए  । 

 

 

 

 

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।