यो युक्रेनी बाख्राका कारण ४० जना रुसी सैनिक घाइते !

• आइतबार, १२ आषाढ, २०७९
• 1 month ago
• अन्तर्राष्ट्रिय
• विचित्र विश्व

एजेन्सी । रुस र युक्रेनबीचको युद्ध अहिले पाँचौं महिनामा पुगेको छ । रुसी पक्षले युक्रेनका सहरहरूमा आक्रमण जारी राखेको छ । युक्रेनी सैनिकहरूले पनि यी आक्रमणहरूको जवाफ दिइरहेका छन्। यसै युक्रेनको एउटा बाख्राको धेरै चर्चा भइरहेको छ, जसका कारण ४० रुसी सैनिक नराम्ररी घाइते भएका छन् ।

 

डेली स्टारको रिपोर्टका अनुसार रुसी सैनिकहरूले दक्षिणपूर्वी युक्रेनको जापोरिझिया ओब्लास्टको किन्स्की रोजडोरी गाउँमा ग्रेनेड जाल बिछ्याउँदै थिए। 

 

अस्पताल वरिपरि यस्ता तार बिछ्याइएको थियो । 

 

सोही क्रममा एउटा बाख्रा त्यहाँ आइपुग्यो । 

 

रुसी सैनिकले विछ्याएको तारमा बाख्रा ठोक्किएपछि ग्रेनेड विस्फोट हुन पुग्यो । उक्त विस्फोटमा परी ४० सैनिक घाइते भएको मिडिया रिपोर्टमा उल्लेख छ । 

 

युक्रेनको मुख्य गुप्तचर निर्देशनालयले उक्त बाख्राका कारण धेरै ग्रेनेडहरू विस्फोट भएको बताएको छ। निर्देशनालयले आफ्नो विज्ञप्तिमा रुसी सैनिकहरु विष्फोटका कारण विभिन्न धेरै चोटपटक लागेको बताएको छ। तर, बाख्रा जीवित रहेको वा नरहेको केही खुलाइएको छैन । 

 

उक्त बाख्रालाई सामाजिक सञ्जालमा ‘गोट अफ कीभ’ भनिएको छ । बाख्रालाई युक्रेनी गुप्तचर पाइलट ‘घोस्ट अफ कीभ’ को रुपमा सम्झना गरिएको बताइएको छ, जसले युद्धको क्रममा धेरै रूसी विमानहरू खसालेका थिए। 

 

यो भीषण युद्धमा युक्रेनलाई सहयोग गर्ने यो बाख्रा पहिलो जनावर होइन। प्याट्रोन नामको ज्याक रसेल कुकुरले युक्रेनी सैनिकहरूलाई लडाइँको क्रममा २०० भन्दा बढी विस्फोटहरू सुन्न मद्दत गरेको थियो । 

• रुस र युक्रेन

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।