जोनसन एण्ड जोनसनको कोरोना भ्याक्सिनका कारण साइड इफेक्ट, ट्रायल स्थगित

• मंगलबार, २७ असोज, २०७७
• 3 months ago
• अन्तर्राष्ट्रिय

एजेन्सी । अमेरिकाको ड्रग निर्माण कम्पनी जोनसन एण्ड जोनसको भ्याक्सिनमा साइड इफेक्टका कारण एक जना स्वयसेवीको स्वास्थ्यमा अचानक समस्या देखिएको छ । यो घटनापछि कम्पनीले सम्पुर्ण भ्याक्सिन ट्रायल तत्कालका लागि स्थगित गरेको छ । जोनसन एण्ड जोनसन तेस्रो चरणको ट्रायल गरिरहेको छ । 

 

यो खबरले अमेरिकी राष्ट्रपति डोनाल्ड ट्रम्पको महत्वकाक्षामा समेत झट्का लागेको मिडिया रिपोर्टम उल्लेख छ । उनले चुनाव अघि कोरोना भाइरसको भ्याक्सिन अमेरिकामा आम मानिसले पाउने दाबी गरेका थिए । 

 

विश्वभर कोरोना कहर रहेको छ । यसका कारण १० लाखभन्दा बढी मानिसको ज्यान गइसकेको छ । त्यस्तै करोडौँ मानिसहरु संक्रमित हुने क्रम झन् बढ्दो रहेको छ । कोरोना भ्याक्सिन बनाउन वैज्ञानिकहरु रातिदिन लागि परेका छन् ।

 

तर, सोचेजस्तो सफलता हात पार्न अझै समय लाग्ने अधिकारीहरुले जनाएका छन् । यसअघि ब्रिटेनमा एस्ट्राजेनेका अक्सफोर्डको भ्याक्सिनमा समस्या आएपछि क्लिनिकल ट्रायल रोकिएको थियो । 

• ट्रायल
• भ्याक्सिन

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।