गठबन्धनबाट विकास सम्भव छैन – महासचिव पोखरेल

Bank Of Kathmandu
Mega Bank
Norvic Hospital

काठमाडौं । नेकपा (एमाले) का महासचिव शंकर पोखरेलले मुलुकको विकास र समृद्धिका लागि राजनीतिक ध्रूबीकरण आवश्यक रहेको बताएका छन् ।

 

जननेता मदन भण्डारीको ७१ औं जन्मजयन्तीको अवसर पारेर प्रेस चौतारी नेपालले २०७९ असार १३ गते राजधानीमा आयोजना गरेको ‘जनताको बहुदलीय जनवाद र अभिव्यक्ति स्वतन्त्रता’ विषयक अन्तर संवादमा महासचिव पोखरेलले आधुनिक नेपाल निर्माणका लागि जननेता भण्डारीको दृष्टिकोण मार्गदर्शक रहेको विचार व्यक्त गरे ।

 

‘दुनियाँमा दलहरूको संयुक्त आन्दोलनबाट व्यवस्था परिवर्तनका धेरै उदाहरण छन् तर दलहरूले संयुक्तरूपमा देश विकास गरेका उदाहरण भेटिँदैनन् भन्दै महासचिव पोखरेलले वर्तमान गठबन्धनबाट पनि विकास र समृद्धि सम्भव नभएको बताए ।  

 

उनले भने– देशको विकास र समृद्धिका लागि हामी एमालेलाई बलियो राष्ट्रिय पार्टीका रूपमा खडा गर्न चाहन्छौं ।

 

‘नेकपा (एमाले) का विरुद्ध चौतर्फी आक्रमण र घेराबन्दी हुँदा पनि भर्खर सम्पन्न स्थानीय तह निर्वाचनमा लोकप्रिय मतमा पहिलो पार्टीका रूपमा स्थापित हुन र अहिले पार्टीले जुन सामथ्र्य हासिल गरेको छ त्यसका लागि  जननेता भण्डारीको नवीनतम विचारले काम गरेको छ’ महासचिवले भने ।

 

महासचिव पोखरेलले संवैधानिक राजतन्त्रलाई सिद्धान्त मान्ने नेपाली काँग्रेसले आफ्नो मान्यता परित्याग  र सशस्त्र सङ्घर्षबाट मात्र व्यवस्था परिवर्तन सम्भव छ भन्ने माओवादीले आफ्नो कार्यदिशा बदल्न तयार भएपछि २०६२÷२०६३ को जनआन्दोलन सफल भएको र त्यसका पछाडिको वैचारिक आधार पनि जनताको बहुदलीय जनवाद रहेको धारणा राखे ।

 

जननेता भण्डारी कम्युनिष्ट आन्दोलनलाई दिशा प्रदान गर्ने नेता भएको विचार व्यक्त गर्दै महासचिव पोखरेलले भने– नेकपा (माओवादी केन्द्र) भण्डारीको बाटोमा हिड्दै छ तर भन्न सकिरहेको छैन ।

 

कम्युनिष्ट पार्टीहरूसँग सहकार्य गर्न नचाहने नेपाली काँग्रेससँग संयुक्त जनआन्दोलनका लागि क्रान्तिकारी स्वभावका नेता गणेशमान सिंहलाई सहमत गराउने, बाममोर्चा गठन गर्ने र त्यसमा अर्को कम्युनिष्ट पार्टीका पुराना नेतालाई नेतृत्व सुम्पने जस्ता जननेता भण्डारीका प्रभावकारी र सुझबुझपूर्ण कदमले नै २०४६ को जनआन्दोलन सफल भएको वताउँदै महासचिव पोखरेलले भने– जननेता भण्डारी नभएको भए पञ्चायत व्यवस्था अहिलेसम्म पनि रहनसक्थ्यो ।

 

महासचिवले भने– जननेता भण्डारीले पार्टीको पाँचौं महाधिवेशनमा धेरै र फरक फरक विचारहरू बहसका लागि प्रवेश गराई जनताको बहुदलीय जनवाद (जबज) पारित र स्थापित गर्ने काम गर्नुभयो ।

 

देशको राष्ट्रिय हितमा परराष्ट्र नीति हुनुपर्ने जननेता भण्डारीको दृष्टिकोण रहेको  स्मरण गर्दै महासचिव पोखरेलले भने– जननेता भण्डारीले विचार मिल्नेहरू तथा विकास र समृद्धिमा सहयोग गर्ने देशहरूसँग मित्रता हुनुपर्छ भन्नुहुन्थ्यो ।

 

अभिव्यक्ति स्वतन्त्रका सम्बन्धमा विचार प्रस्तुत गर्दै महासचिव पोखरेलले संविधानले अभिव्यक्ति स्वतन्त्रता प्रबद्र्धन गरेको र राजनीतिक दलहरूले पनि आफ्ना दस्तावेजमा प्रतिवद्धता जनाएका छन् तर सही नीति अगाडि सारेर मात्र पुग्दैन, कार्यान्वयनको पहलकदमी आवश्यक छ भने ।

 

महासचिव पोखरेलले भन्नुभयो– पत्रकारहरुले के छापिन्छ, के छापिँदैन भन्ने आधारमा ‘सेल्फसेन्सर’ गरी समाचार लेख्ने अवस्था छ किनकि त्यहाँ हाम्रा स्वार्थहरू गाँसिएका छन् र बोल्न सक्दैनौं ।

 

उनले कार्लमाक्सले भनेको ‘बर्ग उत्पीडनको अन्त्य भएपछि मात्र मानिस स्वतन्त्र हुन्छ’ भन्ने भनाइ राख्दै सञ्चारकर्मीको वर्तमान अवस्थाबारे बताएका थिए ।

 

कार्यक्रममा नेकपा (एमाले) प्रचार विभाग उपप्रमुख विष्णु रिजालले विश्वमै कम्युनिष्ट व्यवस्था सङ्कटको अवस्थामा गुज्रिरहेको बेला जननेता भण्डारीले नेपालको कम्युनिष्ट आन्दोलनलाई नयाँ शिराबाट अगाडि बढाएको बताए ।

 

‘मदन भण्डारीले ४१ वर्षको युवा उमेरमै धेरै काम सम्पन्न गरेर हामीबाट विदा हुनुभयो,’ उनले भने, ‘पार्टी नेतृत्वमा उहाँ जम्माजम्मी चार वर्षमात्रै रहनुभयो । संसदीय राजनीतिमा उहाँ करीब दुई वर्ष मात्रै रहनुभयो । तर, उहाँले छोटो समयमै नेपालको कम्युनिष्ट आन्दोलनलाई अन्तर्राष्ट्रिय स्तरमा ध्यानाकर्षण गराउने काम गर्नुभयो ।’

 

छोटो समयमै नेपालको कम्युनिष्ट आन्दोलनलाई जनताका बीचमा स्थापित गराउने र झड्का दिने काम पनि मदनले गरेको रिजालले स्मरण गरे । 

 

कार्यक्रममा प्रेस चौतारी नेपालका अध्यक्ष गणेश बस्नेतले पनि सम्वोधन गरेका थिए । 

 


Reliable life insurance
Nepal Telecocme

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

रवि लामिछानेको प्रश्नः हेटौँडामा झ्याल र कोठा–कोठामा १८ वटा मन्त्रालय किन चाहियो?

  • 8 hours ago
रवि लामिछानेको प्रश्नः हेटौँडामा झ्याल र कोठा–कोठामा १८ वटा मन्त्रालय किन चाहियो?

हेटौँडा। राष्ट्रिय स्वतन्त्र पार्टीका सभापति रवि लामिछानेले बाग्मती प्रदेशको राजधानी हेटौँडामा एउटै भवनका झ्याल–झ्याल र कोठा–कोठामा मन्त्रालयहरू राखिएकोमा आपत्ति जनाएका छन्। शुक्रवार आयोजित बाग्मती प्

राष्ट्रपति भवनअघि आत्मदाह गर्न खोज्ने निहारिका पक्राउ

  • 9 hours ago
राष्ट्रपति भवनअघि आत्मदाह गर्न खोज्ने निहारिका पक्राउ

काठमाडौँ। राष्ट्रपति भवनअघि आत्मदाह गर्न खोज्ने निहारिका राजपुत पक्राउ परेकी छिन्। आफू बलात्कृत भएको र प्रशासनले कानूनी लडाइँमा सहयोग नगरेको भन्दै शितल निवासअघि पुगेर आत्मदाह गर्ने प्रयास गरेकी उनलाई

विद्यालय शिक्षाबाट बञ्चित दशौँ हजार अफगान बालिकाको भविष्य अनिश्चित

  • 9 hours ago
विद्यालय शिक्षाबाट बञ्चित दशौँ हजार अफगान बालिकाको भविष्य अनिश्चित

एजेन्सी । अफगानिस्तानको शासन व्यवस्था तालिबानले सम्हालेको एक वर्ष भयो । एक वर्षदेखि देशका अधिकांश किशोर–किशोरीले कक्षाकोठामा पाइला राख्न पाएका छैनन् ।



पर्यटन

टान निर्वाचनमा उम्मेद्वारी मनोनयन

टान निर्वाचनमा उम्मेद्वारी मनोनयन

काठमाडौँ। पर्वतीय पर्यटन व्यवसायीको छाता सङ्गठन ट्रेकिङ एजेन्सिज एशोसिएशन अफ नेपाल (टान)को यही साउन ३० गते हुने निर्वाचनका लागि उम्मेदवारको मनोनयन दर्ता भएको छ। मालीगाउँस्थित टान सचिवालयमा आज अध्यक्षसहित पदाधिकारी र सदस्यहरूको मनोनयन गरिएको हो। टान नेतृत्वका लागि दुई प्यानलसहितको व्यवसायी समूह र एक स्वतन्त्र उम्मेदवारले मनोनयन गराएका छन्। टानको अध्यक्ष पदमा निलहरि बाँस्तोलाले प्यानलसहित उम्मेदवारी मनोनयन गराएका छन्।

जीवनशैली

धेरै चिया पिउनु स्वास्थ्यका लागि खतरनाक, हुनसक्छ यी समस्याको सिकार

धेरै चिया पिउनु स्वास्थ्यका लागि खतरनाक, हुनसक्छ यी समस्याको सिकार

एजेन्सी । विश्वका करोडौं मानिसले आफ्नो दिनको सुरुवात चियाबाट गर्छन् । धेरैजसो मानिसलाई दूधको चिया मन पर्छ भने कतिपयले ग्रीन टी पिउने गर्छन् । चिया शताब्दीयौंदेखि परम्परागत औषधिमा प्रयोग हुँदै आएको छ।

विचित्र विश्व

सन्तानब्बे वर्षीय थापा दम्पतीको घरमै पुगेर स्वास्थ्य परीक्षण

सन्तानब्बे वर्षीय थापा दम्पतीको घरमै पुगेर स्वास्थ्य परीक्षण

म्याग्दी । ‘दुःख र पीडामा मान्छे कसरी हाँसीहाँसी बाँच्न सक्दो रहेछ’ भन्ने उदाहरण बनेका म्याग्दीको बेनी नगरपालिका वडा नं २ बगरफाँटका ९७ वर्षीय खड्गबहादुर थापा दम्पतीप्रति स्थानीय निकाय र आफन्तले चासो बढाएका छन् ।