यस्तो देश जहाँ छात्रवृत्ति पाउन कुमारित्व परीक्षण गरिन्छ

• शुक्रबार, ९ कार्तिक, २०७५
• 3 years ago
• विचित्र विश्व

एजेन्सी । दुनियाँभर छात्रवृत्तिका लागि एउटा सर्वमान्य मान्यता छ, विद्यार्थी गरिब तथा जेहेन्दार हुनुपर्छ । तर, कतिपय अवस्थामा पहुँच र शक्तिका आधारमा अरुले पनि छात्रवृत्तिको अवसर भोग गर्छन ।

 

तर, यही दुनियाँमा एउटा यस्तो देश पनि छ जहाँ विद्यार्थी गरिव र जेहेन्दार भएर मात्रै छात्रवृत्ति पाउँदैन । कुनै राजनीतिक शक्ति र पहुँचले पनि कुनै काम गर्दैन । उक्त देशमा विशेषगरी छात्राहरुले छात्रवृत्ति पाउनको लागि आफू भर्जिन रहेको प्रमाण पेश गर्नुपर्छ । अथवा, विद्यार्थीको कुमारित्व कायम रहेको हुनुपर्छ ।  

 

दक्षिण अफ्रिकाको उथुकेला सहरमा विद्यार्थी किशोरी तथा युवतीहरुलाई छात्रवृत्ति पाउनका लागि आफ्नो कुमारित्व परीक्षण गराउन पर्छ । विद्यार्थी जुनसुकै उमेरको भए पनि यस्तो परिक्षण अनिवार्य गरिएको छ ।

 

कुमारित्व परीक्षणका क्रममा कौमार्य भंग भएको अर्थात् यौन सम्पर्क राखेको प्रमाणित भएका छात्राहरु छात्रवृत्ति पाउने सूचिबाट बाहिरिन्छन् ।

 

उथुकेला सहरका मेयरले स्कुल तथा कलेजमा पढ्ने भर्जिन छात्राहरुलाई मात्रै छात्रवृत्ति दिने घोषणा गरेका हुन । छात्रवृत्ति पाइसकेपछि रकम भुक्तान हुने सिलसिलामा गरिने पुनः परीक्षणका क्रममा कुमारित्व गुमाएको पाइएको अवस्थामा पनि छात्रवृत्ति रकम फिर्ता लिइन्छ ।

कतिपयले भने छात्रवृत्तिका लागि छात्राहरुको कुमारित्व परीक्षण गर्ने कार्यले व्यक्तिको गोपनियता हनन गर्ने तथा किशोरीहरुलाई निरास तथा लज्जित बनाउने भन्दै विरोध गरेका छन् ।

वास्तवमा छात्राहरुमा एचआइभी एड्सको संक्रमणको जोखिम कम गर्न कम उमेरमा असुरक्षित यौन सम्पर्कलाई निरुत्साहित गर्नका लागि नगर प्रशासनले यस्तो छात्रवृत्ति नीति ल्याएको बताएको छ ।

• Scholarship

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।