यूकेका १४ साहित्यिक संस्थाको सहभागितामा वातावरण साहित्य गोष्ठी सम्पन्न

• मन्जु भण्डारी खरेल
• सोमबार, २१ जेष्ठ, २०७५
• 2 years ago
• युके

लण्डन । प्रकृतिझैं हरियो पहिरनमा सजिएर आएका सर्जकहरू भरी भराउ रहेको वातावरण साहित्य गोष्ठी आइतबार लण्डनको चार्ल्टनमा भव्य रूपमा सम्पन्न भएको छ ।

 

युकेमा रहेका विभिन्न १४ वटा साहित्यिक संघसंस्थाहरूको संयुक्त आयोजनामा भएको यो तेस्रो बृहत साहित्य गोष्ठी हो ।

 

प्रमुख अतिथी बेलायतका लागि नेपाली राजदुत डा. दुर्गाबहादुर सुवेदी  र विशेष अतिथी नेपालबाट आएका गीतकार भाभेश भुमरीद्वारा कार्यक्रमको सभापति गमलाको लाली गुरांस फूलमा सिंचन गरि उद्घाटन गरिएको थियो। 

 

गोष्ठीको पहिलो चरणमा अघिल्ला वर्षहरुमा वाचित तथा पुरस्कृत वातावरण सम्बन्धी १ सय ४ वटा कविताहरु संग्रहित “स्वच्छन्द सुसेलीहरू“ कृतिको विमोचन प्रमुख अतिथी, विशेष अतिथी र सबै आयोजक संस्थाका पदाधिकारीहरूद्वारा सामुहिक रुपमा गरिएको थियो। कृतिका बारेमा विनोद अधिकारी र विश्वास दीप तिगेलाले समिक्षा गरेका थिए। विशेष अतिथी भुमरीलाई र वातावरण अभियन्ता विजय हितानलाई प्रमुख अतिथिद्वारा सम्मान गरिएको थियो । सम्मानित भुमरीले आभार व्यक्त गर्दै आफ्नो गीति यात्राको बारेमा पनि बोलेका थिए । 

 

गत वर्षका इको कवितामा प्रथम स्थान हासिल गर्न सफल दुर्गाप्रसाद पोख्रेल र सन्तोष कार्कीलाई प्रमाण पत्र प्रदान गरिएको थियो। त्यस्तै नयां पुस्ताका सर्जकलाई साहित्य लेखनमा प्रोत्साहन गर्दै बाल कवि आगत खरेललाई पनि प्रमाण पत्र प्रदान गरिएको थियो। यस वर्षको उत्कृष्ट कविता हासिल गर्ने लाहाङ चेम्जोङलाई पुरस्कार स्वरूप लालीगुरास फूल र प्रमाणपत्र प्रदान गरिएको थियो।

 

कार्यक्रममा दुर्गाप्रसाद पोख्रेल, जानुका राई, भुपेन्द्र घिमिरे, बिनोद अधिकारी, विश्वासदीप तिगेला, सुरेशजंग शाह, निर्मला न्यौपाने, प्रतिमा केसी, नानु राना, जानु काम्बाङ, लालसुन्दर राई, भोजराज बराल, घनबहादुर थापा, भावेश भुमरी, कृष्ण बजगाई, वासु शर्मा, सुमल कुमार गुरुङ, सारादेबी गुरुङ, देवी आले, लाहाङ चेम्जोङ, सेमन्त राई, कोमल श्रेष्ठ मल्ल,, गोकुल भण्डारी, मोती भण्डारी, रेशम अर्याल, राजेन्द्र खस, दलबहादुर बुढाथोकी, सन्जिता देउजा, होम सुनुवार, गोमा राना, गोपाल शाही, विश्वकाजी राई, मोहन आचार्य जलद, डम्बर सिंह प्रयास, दुत पुन ‘चिम्खोले काईला’,  तारा भट्टराई लगायतले आफ्नो सृजना वाचन गरेका थिए ।

 

कार्यक्रमको संचालन वातावरणविद् विजय हितान र अनेसास  उपाध्यक्ष साहित्यकार  लक्ष्मी राई(लारा) ले गरेका थिए ।

 

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।