रुस-युक्रेन युद्धः रुसी सैनिकद्वारा क्रुरताको पराकाष्ठ, १६ वर्षीया किशोरीको बलात्कार पछि गोली हानी हत्या

• मंगलबार, ६ बैशाख, २०७९
• 2 months ago
• अन्तर्राष्ट्रिय
• विचित्र विश्व

एजेन्सी । रुस र युक्रेनबीच करिब ५५ दिनदेखि भीषण युद्ध चलिरहेको छ । यस युद्धका कारण धेरै मानिसले युक्रेनमा आफ्नो घरबार छोडेका छन् । यो युद्धले धेरैमा त्रास फैलाएको छ । युक्रेनी जनता आत्तिएका छन् । यससँगै रुसी सैनिकको क्रूरताका धेरै प्रमाणहरू पनि सार्वजनिक भइरहेका छन् । 

 

रुसी सैनिकले १६ वर्षीया युवतीलाई बलात्कारपछि टाउकोमा गोली हानेर शव बुचमा फालेको खुलासा भएको छ । यो घटना त्यही भएको जहाँ ४०० युक्रेनीहरूको शव फेला परेको थियो।

 

पीडा बताउँदै किशोरकी आमाकी एक साथीले फेसबुकमा लेखेकी छन्,साथीहरू, हृदयविदारक खबर। रुसी सैनिकहरुले मेरो साथीकी छोरीको हत्या गरे। बलात्कार गरेपछि गोली हानी हत्या गरे। 

 

उनले मदत माग्दै भनेकी छन्, 'कृपया उनको शव मलाई गाड्न दिनुहोस्। मलाई मद्दत गर्नुहोस्। मैले ती किशोरीलाई  चिनेकी छु। लामो समदेखि म उनलाई अंग्रेजी पढाउँथें। उनी वास्तवमै धेरै प्रतिभाशाली थिइन्।'

 

रिपोर्टका अनुसार किशोरी गत महिनाको सुरुदेखि बेपत्ता भएकी थिइन्, जसका कारण उनकी आमाले सामाजिक सञ्जालमार्फत उनको खोजीमा सहयोगको लागि अपिल गरेकी थिइन् ।

 

मिडिया रिपोर्टका अनुसार रुसी सैनिकको क्रूरता रोकिएको छैन। रुसी सेनाले बुचा सहरको एउटा गाउँको तहखानेमा २५ जना महिला र बालिकालाई बन्धक बनाएको खबर छ । दिनहुँ पटक पटक बलात्कृत भइरहेका छन् । रुसी सैनिकको क्रूरताका कारण १६ वर्षीया विद्यालयकी बालिकासहित ९ जना महिला गर्भवती भएका छन् ।

 

एजेन्सीको सहयोगमा 

 

 

 

• भीषण युद्ध

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।