फुटबल जितेपछि रुसमा खुसियाली

• शुक्रबार, १ आषाढ, २०७५
• 2 years ago
• खेल
• Russia
• Saudi Arabia

मस्को । बिहीबार एक भव्य समारोहबीच विश्वकप फुटबल २०१८ सुरु भएको छ । विश्वकप फुटबलको पहिलो खेलमा नै आयोजक राष्ट्र रुस र साउदी अरेबियाबीच प्रतिस्पर्धा भएको थियो । 

 

रूसले साउदी अरेबियालाई शून्यका विरुद्ध पाँच गोलले पराजित गरेको छ । उद्घाटन समारोह रूसको राजधानी मस्कोमा रहेको लुझनिकी रङ्गशालामा भव्य रुपमा आयोजना गरिएको थियो । खेल हेर्न ठूलो सङ्ख्यामा दर्शक उपस्थित थिए । 

 

लुझनिकी रङ्गशालामा रुसी राष्ट्रपति भ्यालादिमिर पुटिनलगायत हजारौं मानिस उपस्थित भएका थिए । 

 

उद्घाटन समारोहमा रुसी राष्ट्रपति भ्लादिमिर पुटिनले संक्षिप्त सम्बोधन गरी खेलमा आउने पाहुनासँगै खेलाडीहरूलाई स्वागत गरेका थिए । 

 

फिफा अध्यक्ष जियानी इन्फान्टिनोको सम्बोधनलगत्तै पहिला साउदी अरब र पछि रूसी समूहले राष्ट्रिय गान गाएपछि खेल शुरु भएको थियो । 

 

हालसम्मको विश्वकपको इतिहासमा कुनै पनि आयोजक राष्ट्र उदघाटन खेलमा हारेका छैनन् । तत्कालीन सोभियत संघ (रुस) ले १९७० मा मेक्सिकोमा भएको विश्वकप उद्घाटन खेल खेलेको थियो । यो खेल बराबरी भएको थियो । 

 

शुक्रबार प्राप्त समाचारमा जनाइएअनुसार यस पटकको विश्वकप आयोजक राष्ट्र रुसले पहिल्यै खेलमा विजय हासिल गरेपछि देशभरि खुसियाली छाएको छ । 

 

• Russia

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।