पुल्चोक क्याम्पसमा पर्खाल भत्काएर फलामेबार

  • बिहीबार, ११ मंसिर, २०७७
  • 1 month ago
  • नेपाल

ललितपुर । ललितपुर महानगरपालिकाले नेपाल इञ्जिनियरिङ अध्ययन संस्थान पुल्चोक क्याम्पसको इँटाको अग्ला पर्खाल भत्काएर फलामेबार लगाएको छ । 

 

महानगरपालिकाले इँटाको पर्खाल भत्काएर फलामेबार लगाएपछि पैदलयात्रुले क्याम्पस परिसर भित्र रहेको पुरातात्विक महत्वको राणकालीन आनन्द निकेतन दरबार र पानीको फोहोरासहितको हरियो बगैँचा सजिलै अवलोकन गर्न सकिन्छ । यसअघि काम विशेषले क्याम्पस प्रवेश गर्नेले मात्र अवलोकन गर्न पाउँथे । इँटाको अग्ला पर्खाल भएकै कारण सर्वसाधारणले क्याम्पस परिसरमा सहजै भित्र छिर्न मात्रै होइन, पुरातात्विक महत्वका ती दरवार र पानीको फोहोरासहितको हरियो बगैँचा अवलोकनसमेत गर्न पाउँदैनथे । महानगरपालिकाले इँटाको पर्खाल भत्काएर फलामेबार लगाएपछि अहिले पैदलयात्रुले समेत भित्रको दृश्यावलोकन सहजै गर्न थालेका छन् ।

 

महानगरपालिकाले खुला क्षेत्र विस्तार गर्न पहिलो चरणमा कुपण्डोल–लगनखेल सडकअन्तर्गत पर्ने नेपाल इञ्जिनियरिङ अध्ययन संस्थान पुल्चोक क्याम्पस खुला गरेको हो । इञ्जिनियरिङ क्याम्पसले गत वर्ष पर्खाल हटाएर दृश्यावलोकन गर्न सकिने खालको बार लगाउन महानगरपालिकालाई अनुरोध गरेको थियो ।

 

महानगरपालिकाका प्रमुख चिरीबाबु महर्जन र क्याम्पस प्रमुख प्रा डा लक्ष्मण पौडेलले संयुक्त रुपमा बुधबार सो फलामेबारको उद्घाटन गरे । 

 

सो अवसरमा प्रमुख महर्जनले महानगरपालिकाले तीन ठाउँमा जीर्ण र अग्लो पर्खाल भत्काइ पारदर्शी हरियो बार लगाइदिएको बताए । उनले भने, “क्याम्पस परिसरमा रहेको कलात्मक राणाकालीन पुरानो आनन्द निकेतन दरबार र हरियालीयुक्त बगैँचाको सुन्दरता सबैलाई देखाउन यस कामलाई अघि बढायौँ । अग्लो र जीर्ण भवनले शहरको सुन्दरतामा आँच पुग्नुका साथै भूकम्पीय दृष्टिले समेत यी पर्खाल जोखिमपूर्ण रहेका थिए ।” सो योजना सम्पन्न गर्न महानगरपालिकाले मूल्यअभिवृद्धि करसहित रु ५५ लाख २९६ खर्च गरेको उनले जानकारी दिए । 

 

प्रमुख प्रा डा पौडेलले क्याम्पस प्रशासनमा रहेको बगैँचालाई अझै व्यवस्थित बनाउन यो बारले निकै सहयोगी भूमिका खेल्ने बताए । निवर्तमान क्याम्पस प्रमुख प्रा डा गोकर्णबहादुर मोत्राले महानगरपालिकाले शहरको सौन्दर्य बढाउन लगाइदिएको पारदर्शी बारले क्याम्पस परिसरको बगैँचा र दरबारलाई हरेक सर्वसाधारणले हेर्न पाउने बताए ।

 

महानगरपालिकाले सदर चिडियाखान अगाडि फुटबल मैदान र महालक्ष्मीस्थान नजिकै रहेको राजदलगणसँगको खेल मैदान वरिपरीसमेत हरियो बार लगाइदिएको छ । आर्थिक वर्ष २०७५÷७६ को नगर गौरवको आयोजनाअन्तर्गत पुल्चोक क्याम्पस हातामा उक्त बार लगाइदिएको बताइएको छ । 


ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

बन्द हुँदै चर्चित कमेडि शो 'द कपिल शर्मा शो'

  • 1 hour ago
बन्द हुँदै चर्चित कमेडि शो 'द कपिल शर्मा शो'

एजेन्सी । भारतीय चर्चित कमेडि शो 'द कपिल शर्मा शो' बन्द हुने भएको छ । मिडिया रिपोर्ट अनुसार निर्माण टिमले यसलाई बन्द गर्ने भएका छन् ।

आठौँ राष्ट्रिय एस्ट्रोनोमी ओलम्पियाडको लोगो आह्वान

  • 1 hour ago
आठौँ राष्ट्रिय एस्ट्रोनोमी ओलम्पियाडको लोगो आह्वान

काठमाडौं । आठौँ राष्ट्रिय एस्ट्रोनोमी ओलम्पियाडको पूर्वतयारीस्वरूप नेपाल एस्ट्रोनोमिकल सोसाइटीले लोगो प्रतियोगिता आयोजना गरेको छ । आइतबारदेखि माघ १९ गतेसम्म लोगो आह्वान गरिएको सोसाइटीका अध्यक्ष सुरेश

प्रधानमन्त्री ओली भरतपुरको सिटीहल र ६ लेन सडकको शिलान्यास गर्न १७ गते चितवन जाने

  • 2 hours ago
प्रधानमन्त्री ओली भरतपुरको सिटीहल र ६ लेन सडकको शिलान्यास गर्न १७ गते चितवन जाने

चितवन । प्रधानमन्त्री एवं नेपाल कम्युनिष्ट पार्टी (नेकपा) का अध्यक्ष केपी शर्मा ओली माघ १७ गते चितवन आउने भएका छन् । भरतपुरमा दुई वटा विकास आयोजननाको शिलान्यास र जनसभालाई सम्बोधन गर्न प्रधानमन्त्री ओल



पर्यटन

सेता हिमाल कालापत्थरमा परिणत

सेता हिमाल कालापत्थरमा परिणत

मनाङ । हिउँपर्ने याममा हिउँ नपर्दा कालापत्थर मात्रै देखिएको मनाङको अन्नपूर्ण, गङ्गापूर्ण र लमजुङलगायत हिमाल । सँधैजसो मङ्सिरको पहिलो सातादेखि हिउँ पर्न शुरु हुने यस जिल्लामा यस पटक भने माघ सकिन लाग्दासमेत हिउँ देख्न पाइएको छैन ।

जीवनशैली

पुदिनाको फाइदै फाइदा

पुदिनाको फाइदै फाइदा

काठमाडौं । हाम्रो गाँउघर वरपर सहज रुपमा पाइने बनस्पति पुदिनालाई अचारको रुपमा उपयोग गर्दै आएका छौं । पुदिना स्वास्थ्यका लागि पनि धेरै लाभदायक मानिन्छ । अझ भन्नुपर्दा पुदिना चिया स्वास्थ्यका लागि निकै लाभदायी छ । पुदिना चियाको स्वाद मात्रै नभएर स्वास्थ्यका लागि समेत निकै राम्रो मानिन्छ ।

विचित्र विश्व

चर्चामा एक दिनकी मुख्यमन्त्री गोस्वामी

चर्चामा एक दिनकी मुख्यमन्त्री गोस्वामी

एजेन्सी । भारतको उत्तराखण्ड राज्यमा १९ वर्षीया किशोरीलाई एक दिनका लागि मुख्यमन्त्री बनाइँदैछ। राष्ट्रिय बालिका दिवसका अवसरमा राज्यको हरिद्वार जिल्लास्थित दौलतपुर गाउँकी सृष्टि गोस्वामीलाई मुख्यमन्त्री बनाउन लागिएको हो।