जनताको सागरले षडयन्त्रकारीको सेटिङ सिध्याएर जनताको सेटिङ खडा हुँदैछः प्रचण्ड

• शुक्रबार, ९ माघ, २०७७
• 1 month ago
• राजनीति

काठमाडौँ । नेपाल कम्युनिष्ट पार्टी (नेकपा)को प्रचण्ड–नेपाल समूहका अध्यक्ष पुष्पकमल दाहाल ‘प्रचण्ड’ले जनताको सागरले षडयन्त्रकारीको सेटिङ सिध्याएर जनताको सेटिङ खडा हुने दाबी गरेका छन् । शुक्रबार उक्त समूहले राजधानीमा गरेको विरोध प्रदर्शनपछिको सभालाई सम्बोधन गर्दै प्रचण्डले जनताको सेटिङ खडा हुने बताएका हुन् ।

 

प्रधानमन्त्री केपी र उनी निकटकाहरुले सेटिङको कुरा गरिरहेको भन्दै उनले भने, ‘केपी र उनी निकटका मान्छेले सेटिङ मिलाइसक्यौं भनिरहेका छन्। तर जनताको तागतले त्यो सेटिङ भत्काएर नयाँ सेटिङ जन्माउँछन् भन्ने विश्वास व्यक्त गर्छु ।’

 

त्यस्तै, प्रचण्डले तीन वर्षमा केपी ओली प्रवृत्तिलाई तह लगाउन नसकेको स्वीकार गरेका छन् । आफूहरुले विभिन्‍न उपाय लगाउँदा पनि ओलीलाई सच्याउन नसकिएको भन्दै उनले भने, ‘तीन वर्षमा केपी ओलीलाई तह लगाउन सकेनौं । हाम्रा पनि केही कमजोरी होलान् । सम्झाइ, बुझाइ, फकाइ गरेँ, कतिपय उनका कुरा मान्दिएर पार्टी र देश बचाउन सकिन्छ कि भनेको सकिएन यो सभामा म आत्मआलोचना गर्न चाहन्छु ।’

 

प्रचण्डले वाम गठबन्धनको घोषणाअनुसार काम गर्न नसकेको पनि स्वीका गरेका छन् । ओलीले प्रधानमन्त्री पदको लागि सम्झौता गर्ने तर, कार्यान्वयन नगर्ने गरेको कारण घोषणाअनुसार काम गर्न नसकेको स्वीकार गरेका हुन् ।

• प्रचण्ड
• प्रचण्ड–नेपाल

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।