कोरोना कहरः ओमिक्रोनका कारण अमेरिकामा त्रास, विज्ञहरुले दिए चेतावनी

• सोमबार, ५ पुष, २०७८
• 6 months ago
• अन्तर्राष्ट्रिय
• विचित्र विश्व

एजेन्सी । कोरोना भाइरसको नयाँ भेरियन्ट ओमिक्रोनलाई लिएर विश्वभर भयावहको स्थिति रहेको छ । अमेरिकादेखि युरोपसम्म ओमिक्रोनका नयाँ बिरामीको संख्यामा ठूलो वृद्धि भएको छ ।

 

बेलायतका स्वास्थ्यमन्त्री साजिद जावेदले आफ्नो देशमा ६० प्रतिशत नयाँ संक्रमण ओमिक्रोनबाट भएको बताएका छन् । अमेरिकामा ह्वाइट हाउसका मेडिकल सल्लाहकार डा एन्थोनी फौसीले आगामी केही दिनमा ओमिक्रोनबाट संक्रमित बिरामीको संख्या डेल्टा भेरियन्टभन्दा बढी हुने बताएका छन्। 

 

यसैबीच, नयाँ अनुसन्धानले हालका अधिकांश कोरोना खोपहरू ओमिक्रोन विरुद्ध प्रभावकारी नभएको पत्ता लगाएको छ।

 

कोरोनाविरुद्ध कुनै पनि औषधि पूर्ण रूपमा प्रभावकारी छैन। मिडिया रिपोर्टका अनुसार अहिले ओमिक्रोन आएपछि धेरै औषधि कम्पनीले हात उठाएका छन् ।

 

अमेरिकी अखबार यूएस टुडेका अनुसार विगत एक वर्षदेखि प्रयोग गरिँदै आएको रेजेनोर्न र एली लिलीको एन्टिबडी औषधिले ओमिक्रोनविरुद्ध आफ्नो प्रभाव देखाइरहेको छैन। दुवै कम्पनीले प्रारम्भिक अनुसन्धानले ओमिक्रोनबाट संक्रमित बिरामी निको नहुने देखाएको बताएका छन् ।

 

ओमिक्रोनसँग लड्न कुन औषधि प्रयोग गर्ने भन्ने बारेमा अहिले अनुसन्धान भइरहेको औषधी कम्पनीहरूले बताएका छन्।

 

विश्व स्वास्थ्य संगठन (डब्ल्यूएचओ) ले ओमिक्रोन ८९ देशमा फैलिएको बताएको छ। न्युज १८ बाट

 

• कोरोना भाइरस

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।