एनआरएनः चुनौतीका तीन चुचुरा

नेपालमा दशैं र विदेशमा अक्टोबर महिना नजिकिएसँगै दुवैतर्फ गैरआवासीय नेपाली संघ (एनआरएन)का गतिविधि बढ्न थाल्छन् । अझ बढी त प्रत्येक दुई वर्षमा आउने दशैं वा अक्टोबरमा । किनभने प्रत्येक दुई वर्षमा एनआरएनको नेतृत्व परिवर्तन जो हुन्छ । 

 

केही महिना वा केही साता यतादेखि युरोप अमेरिकातिर एनआरएनएका गतिविधि बढिरहेको छ । राष्ट्रिय समन्वय समितिको निर्वाचन र अन्तर्राष्ट्रिय समन्वय समितिका ‘डेलिगेटस’ छनोट प्रक्रिया चलिरहेको छ । यस क्रममा कतिपय ठाउँमा विवाद पनि देखिएका छन् । निर्वाचनका बेला केही विवाद सतहमा आउनु अस्वभाविक पनि होइन । विचार र स्वार्थहरू निर्वाचनका बेला एक ठाउँमा ठोक्किन वा जुध्न आइपुग्छन् । त्यसमाथि जहाँ बसे पनि हामी नेपालीका कतिपय चारित्रिक गुण वा अवगुण पनि छन् जसले अनावश्यक बिवाद बढाई रहन्छन् ।

 

निर्वाचनका बेला देखापर्ने विवाद खासमा एनआरएनका सवाल होइनन् । गैरआवासीय नेपालीका केही खास विषय छन्, केही खास उद्देश्य र चाहना छन् । बेला बेलामा  देखापर्ने विवाद गैरआवासीय नेपाली संघका उद्देश्य र चाहनाका विषयहरु होइनन् ।

 

ती त हामी नेपालीका स्वभावका ‘बाइप्रोडक्ट’ हुन् । यसभन्दा बढी,  राष्ट्रिय समन्वय समिति वा अन्तर्राष्ट्रिय समन्वय समितिमा प्रकट हुने विवादलाई महत्त्व दिनु आवश्यक छैन । 

 

आज गैरआवासीय नेपालीले साँच्चीकै महत्त्व दिनुपर्ने विषय त  विश्वास आर्जन हो । नेपाल सरकारको विश्वास, नेपाली जनताको विश्वास, समग्र गैरआवासीय नेपालीबाट विश्वास । र, कर्मभूमिका सरकार र जनताको विश्वास । हो, यही विश्वास आर्जनले मात्र गैरआवासीय नेपाली संघको उद्दश्य र चाहना पूरा गर्न मद्दत गर्छ ।

 

गैरआवासीय नेपाली संघ, अन्तर्राष्ट्रिय समन्वय समितिको सचिवको रूपमा बितेका दुई वर्षमा मैले कहीँ न कहीँ, कतै न कतै, कुनै न कुनै रूपमा सबैतिर विश्वासको संकट देखिरहेको छु । हामी र हाम्रा सन्तान दरसन्तान, नेपाल र नेपालीसँग सदैव जोडिइरहुन् र तिनले मातृभूमिको समृद्धिमा कुनै न कुनै योगदान दिउन् ।

 

गैरआवासीय नेपाली संघको यति पवित्र चाहनाप्रति पनि हामीले आजसम्म नेपाल सरकारबाट अझै पूर्ण विश्वास आर्जन गर्न सकेका छैनौ । जुन दिन हामी नेपाल सरकार र नेपाली जनतालाई हाम्रा पवित्र चाहनाप्रति विश्वास दिलाउन सक्नेछौ त्यो दिन गैरआवासीय नेपालीका लागि दोहोरो नागरिकता र दोहोरो कर प्रणाली वा लगानी जस्ता विषय सरल र सहज हुनेछन् । हो, यही विश्वास दिलाउन सक्नु नै आज हाम्रो चुनौतीको विषय हो । यो चुनौतीलाई हामीले कसरी सामना वा समाधान गर्छौँ त्यसैमा एनआरएनको महत्त्व र भुमिका भरपर्छ । त्यसैका आधारमा  एनआरएनको महत्व र भुमिका बढछ पनि । 

 

‘‘यी पैसा लिएर र पैसा लिन आउँछन् ।’’ वा ‘‘यी पैसा लिएर गफ दिन आउँछन्,’’ भन्नेजस्ता भ्रम वा सोच आज पनि कता कता नेपाल सरकार र नेपाली जनतामा हामीजस्ता एनआरएनप्रति छ । हो, यही भ्रम र सोचलाई गैरआवासीय नेपालीले तोड्नु पर्छ । 

विश्वास दिलाउनु छ – हामी गैरआवासीय नेपाली पैसा भन्दापनि ठूलो मायाका साथ नेपाल र नेपालीसँग जोडिइरहन चाहन्छौँ । 

विश्वास दिलाउनु छ – प्रविधि र ज्ञानको गफभन्दा पनि हामी  जन्मभूमिको समृद्धि देख्न चाहन्छौँ । सहयोग, सम्बन्ध र भावनाका दायरा साँच्ची नै बढाउन चाहन्छौँ । 

 

जुन दिन यो विश्वास हामीले नेपाल सरकार र नेपाली जनतालाई दिलाऊन सक्नेछौँ त्यही दिन मैले अघि नै भनेजस्तो दोहोरो नागरिकता, दोहोरो कर र लगानीका विषय असाध्यै सहज हुनेछन् । जुन देशको अर्थतन्त्र मूलतः रेमिटयान्सले चलायमान  बनाउँछ त्यस देशले गैरआवासीय नेपालीलाई सदैव अन्योल र दूरीमा राख्न चाहन्छजस्तो मलाई लाग्दैन । 

 

यो मातृभूमिको कुरा भयो । 

 

हो ठीक यस्तै विश्वास हामीले उनीहरूको कर्मभूमिमा जीवन बिताइरहेका असंख्य नेपालीबाट पनि प्राप्त गर्नुपर्छ । उनीहरूका दुःख सुख वा समृद्धिमा साथ दिनुछ । उनीहरूलाई पनि विश्वास दिलाउनु छ – एनआएरएन भनेको हामी सबै नेपालीको हो । अर्थात्, नेपालीको र नेपालीका लागि हो भन्ने विश्वास । 

 

समग्र गैरआवासीय नेपालीबाट यो विश्वास आर्जन गर्नु आजको गैरआवासीय नेपाली संघको अर्को एउटा चुनौती हो । यसका लागि हामीले अझै धेरै मेहनत गर्नुपर्नेछ । यसका लागि हामीले सबै  गैरआवासीय नेपालीका बाध्यता, परिस्थिति र भावना बुझुनु र त्यस सँगसँगै हुनु जरुरी छ । यसका लागि हामीले प्रत्येक गैरआवासीय नेपालीको समृद्धिमा साथ दिनुछ । व्यक्तिको समृद्धिले नै संगठन, समाज र देशको समृद्धिमा योगदान दिने हो । 

 

एनआरएन अन्तर्राष्ट्रिय समन्वय समितिको वर्तमान सचिवको हैसियतले म सदैव यसैमा प्रयत्नरत छु । प्रयत्नरत रहिरहने छु । 

 

तेस्रो,  हामी नेपाली आफ्नो मातृभूमि छोडेर जुन जुन देशमा बसिरहेका छौँ ती देशका सरकार र जनताबाट पनि विश्वास आर्जन गरेर आफूलाई त्यहाँ पनि बलियो बनाउनु छ । त्यहाँ पनि हामीले पूर्ण विश्वास प्राप्त गर्नुछ । गैरआवासीय नेपाली संघका लागि यो अर्को चुनौती हो । 

 

समग्रमा, गैरआवासीय नेपाली संघ तीन मुख्य चुनौतीको चुचुरामा खडा छ । आन्तरिक सामान्य विवादका विषय छोडेर गैरआवासीय संघ यसैतर्फ केन्द्रित हुनु आवश्यक छ ।   

 

(जोशी गैरआवासीय नेपाली संघ, अन्तर्राष्ट्रिय समन्वय परिषद्को सचिव हुन्)


Ipay: Payment Gateway of Nepal
Reliable life insurance
Nepal Telecocme

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

हाइटीमा तय भएको निर्वाचन अनिश्चितकालका लागि स्थगित

  • 3 minutes ago
हाइटीमा तय भएको निर्वाचन अनिश्चितकालका लागि स्थगित

एजेन्सी । हाइटीमा आउँदो महिनामा हुन गइरेहको निर्वाचन र संवैधानिक जनमतसंग्रह अनिश्चितकालका लागि स्थगित गरिएको छ । निर्वाचन प्रशासनका सदस्यहरुलाई सोमबार बर्खास्त गरेपछि निर्वाचन र जनमत सङ्ग्रह अनिश्चित

चीनमा पानी जहाज दुर्घटना हुँदा १२ जनाको मृत्यु, अरु कैयौँ बेपत्ता

  • 6 minutes ago
चीनमा पानी जहाज दुर्घटना हुँदा १२ जनाको मृत्यु, अरु कैयौँ बेपत्ता

एजेन्सी । चीनको गुझाउ प्रान्तमा भएको पानी जहाज दुर्घटनामा परी कम्तीमा १२ जनाको मृत्यु भएको छ । जान्क नदीमा भएको दुर्घटनामा परी अरु तीन जना हराईरहेका सरकारी अधिकारीहरुले जानकारी दिएका छन् ।

शेयर बजारमा ७० अंकको गिरावट

  • 8 minutes ago
शेयर बजारमा ७० अंकको गिरावट

काठमाडौँ । नेपाल स्टक एक्सचेञ्ज (नेप्से)मा ७० अंकको गिरावट आएको छ । आज मंगलबार नेप्से ७०.०१ अंकले घटेर २ हजार ६१५.४० विन्दुमा आइपुगेको छ । आज ५ अर्ब ७४ करोड ५४ लाख बराबरको कारोबार भएको छ । आज क



पर्यटन

पाेखरामा मौसम खुलेसँगै हिमालहरुको मनमोहक दृश्यहरु

पाेखरामा मौसम खुलेसँगै हिमालहरुको मनमोहक दृश्यहरु

कास्की । पोखरामा मौसम खुलेसँगै हिमालहरुको दृश्य लोभलाग्दो देखिएको छ । पोखराबाट देखिने अन्नपूर्ण, माछापुच्छ्रे , धौलागिरी, हिमचुली लगायतका हिमालका कारण पोखरा विश्व पर्यटन बजारमा प्रख्यात छ।

जीवनशैली

घरमा तुलसीको विरुवा रोप्दै हुनुहुन्छ, यी कुरामा विशेष ध्यान दिनुहोस्

घरमा तुलसीको विरुवा रोप्दै हुनुहुन्छ, यी कुरामा विशेष ध्यान दिनुहोस्

एजेन्सी । तुलसीको बिरुवा हिन्दु धर्ममा सम्मानित मानिन्छ। तुलसी बिरुवा वास्तु दोषहरुको नाशक मानिन्छ। वास्तु शास्त्रका अनुसार तुलसीको बिरुवाले घरमा सकारात्मक उर्जा उत्पादन गर्दछ र नकारात्मक उर्जा नष्ट गर्दछ। तुलसीको विरुवालाई दैनिक बिहान पानी दिएर, धेरै प्रकारका वास्तु दोषहरुलाई हटाइन्छ। तुलसी विष्णु पूजामा सबैभन्दा महत्त्वपूर्ण मानिन्छ।

विचित्र विश्व

यो देशका दुई जना पूर्वप्रधानमन्त्रीलाई जेल सजाय

यो देशका दुई जना पूर्वप्रधानमन्त्रीलाई जेल सजाय

एजेन्सी । अल्जेरियाका पूर्व दुई प्रधानमन्त्रीलाई अदालतले जेल सजायको फैसला सुनाएको छ । पूर्व राष्ट्रपति अब्डेलाजिज बौटेफ्लीकाको कार्यकालमा प्रधानमन्त्री भएका दुई नेतालाई अदालतले सजाय तोकेको हो ।