जम्मू-कश्मीर: आतंकवादीहरूसँगकाे भिडन्तमा ३ जना भारतीय सेनाको मृत्यु

एजेन्सी । जम्मू कश्मीरको कुलगाम जिल्लामा शुक्रबार आतंकवादी र भारतीय सेनाबीच भिडन्त भएको छ । सोही क्रममा भिडन्तमा सेनाका तीन जवानको मृत्यु भएको छ ।

एक प्रहरी अधिकारीले भने, सुरक्षा बलहरूले आतंकवादीहरूको उपस्थितिको बारेमा सूचना पाएपछि दक्षिण कश्मीरको कुलगाम जिल्लाको हलान जंगल क्षेत्रको उच्च उचाइ क्षेत्रमा घेरा र खोज अभियान सुरु गरेको थियो।

आतंककारीहरूले सुरक्षा बलहरूमा गोली हानेपछि खोजी अभियान मुठभेडमा परिणत भएको उनले बताए। यस क्रममा सुरक्षा बलले जवाफी कारबाही गरेको थियो । गोली लागेर तीनजना सुरक्षाकर्मी घाइते भएको र उपचारका क्रममा मृत्यु भएको अधिकारीले बताए ।