अति नै मिल्ने मेसी र स्वारेज ९० मिनेटको लागि शत्रु भए

• मंगलबार, ३ मंसिर, २०७६
• 1 year ago
• खेल

एजेन्सी । स्पेनिस क्लब बार्सिलोनाका खेलाडीद्वय लियोनल मेसी र लुइस स्वारेज एकदमै मिल्ने खेलाडी हुन् । उनीहरु एउटै टिमबाट खेल्ने खेलाडी त हुन् नै तर, त्यो भन्दा पनि बढी उनीहरुको पारिवारिक सम्बन्ध छ । यी दुईको परिवार कहिलेकाँही सँगै घुम्न जान्छ् । कहिलेकाँही मेसीले स्वारेजको बच्चाहरुलाई स्कुल पुर्याउँछन् त कहिले स्वारेजले मेसीका छोराहरुलाई स्कुलसम्म छोड्न जान्छन् ।

 

क्लबको अभ्यास सत्र शुरु भएदेखि खेल सकिएर घर नगएसम्म उनीहरु सँगै हुन्छन् । अवे मैदानमा खेल हुँदा उनीहरु सँगै ‘यार्वा मेट’ (चिनिया तथा जापनिज चिया) पिउँदै गफिदै हिडिरेका हुन्छन् । 

 

तर, कहिलेकाँही परम मित्रहरु पनि फुटबल खेलको क्रममा एकअर्काविरुद्ध उत्रनुपर्छ । यो अवस्था अन्तर्राष्ट्रिय खेलको दौरान हुने गर्छ । सोमबार राति अर्जेन्टिनाका मेसी र उरुग्वेका लुइस स्वारेज एक अर्काविरुद्ध उत्रिए । इजरायलको ब्लुमफिल्ड मैदानमा भएको यी दुई राष्ट्र अन्तर्राष्ट्रिय मैत्रिपूर्ण खेलको लागि उत्रिएका थिए । 

 

मैत्रिपूर्ण खेल भए पनि एकअर्काविरुद्ध उत्रने काम कठिन हुन्छ । तर, राष्ट्रको इज्जतसँग जोडिएको विषय पनि भएको कारणले गर्दा दुवै खेलाडीले विपक्षी टिमलाई हराउने निकै प्रयास गरे । 

 

ब्राजिललाई पराजित गरेको अर्जेन्टिना र हंगेरीलाई पराजित गरेर आएको उरुग्वेबीचको खेल २–२ गोलको बराबरीमा सकिएको थियो । उक्त खेलमा अर्जेन्टिनाको लागि सर्जियो अगुइरो तथा लियोनल मेसीले गोल गरे भने उरुग्वेको लागि एडिसन काभानी तथा लुइस स्वारेजले गोल गरे । दुवै खेलाडीले खेलको पूरै समय मैदानमा बिताएका थिए । तुलनात्मक रुपमा उरुग्वेभन्दा अर्जेन्टिनाको खेल राम्रो भए पनि उरुग्वेले बनाएको काउन्टर मुभ अर्जेन्टिनाको लागि खतरनाक थियो । 

 

अब आउँदो शनिबार यी दुई खेलाडी लेगानेसविरुद्ध उत्रदैछन् । उक्त खेलको लागि उनीहरु सम्भवतः बुधबार देखि नै बार्सिलोनाको अभ्यास सत्रमा समावेश हुनेछ । 

 

• मेसी
• स्वारेज

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।