मनशिला मुक्तक संग्रह लोकार्पण

• बिहीबार, २७ फागुन, २०७७
• 7 months ago
• साहित्य

काठमाडौँ । कवि मुकुन्द पौडेलको मनशिला मुक्तक संग्रह लोकार्पण भएको छ । नेपाल प्रज्ञा भवनमा आयोजित लोकार्पण समारोह माझ उक्त मुक्तक संग्रह सार्वजनिक गरिएको हो । 

 

पौडेल कृत मनशिलाको लोकार्पण कार्यक्रमका प्रमुख अतिथि समेत रहेका वरिस्ठ साहित्यकार यादव खरेल, कवि मुकुन्द पौडेल, साहित्यकार पुरुशोत्तम दाहाल, वरिस्ठ मुक्तककार एवम् गजलकार ज्ञानुवाकार पौडेल वरिस्ठ मुक्तककार रामकाजी कोने, वियोगी बुढाथोकी, समालोचक डा. ज्ञानु अधिकारी र आवरण प्रकाशनका अध्यक्ष रमेश पौडेलले संयुक्त रुपमा गरेका थिए ।

 

कार्यक्रमलाई सम्बोधन गर्दै यादव खरेलले जीवन प्रकृती र जगतलाई हेर्ने दृष्‍टिकोणलाई मुक्तकमा समावेश गर्न सक्ने खुवी कृतिकारमा रहेको बताए । कार्यक्रममा वरिस्ठ पत्रकार एवम् साहित्यकार पुरुशोत्तम दाहालले सिर्जना भनेको आफ्नो सन्तान सरह हुने बताउदै कृतिकार पौडेलको लेखन मोहसँगै विविध बिषयमा सरसर्ती बग्न सक्नु प्रशंसनिय रहेको बताए ।

 

कार्यक्रममा वरिस्ठ मुक्तककार एवम् गजलकार ज्ञानुवाकार पौडेलले मुक्तक लेखनमा कवि पौडेलको शिल्पकारिता, बिषयवस्तुमा वेग र तिव्रता रहेको उल्लेख गरे । साथै, कृतिकार लेखनको नशा लागेको आफुले पाएको बताए ।

 

मनशिला पौडेलको तेस्रो कृति हो । यस कृतिलाई आवरण प्रकाशनले प्रकाशित गरेको हो । यस अघि उनका मनशिन्धु र मझदार नामक दुई कृतिहरु प्रकाशन भैसकेका छन् ।

• मनशिला

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।