लकडाउनको असरः चीनमा कम्पनीद्वारा २० हजार कर्मचारीका लागि अफिसमा नै खान बस्न सुविधा

• बुधबार, १६ चैत, २०७८
• 2 months ago
• अन्तर्राष्ट्रिय
• विचित्र विश्व

एजेन्सी । पूरै युरोपसहित चीनमा पनि कोरोनाको संक्रमण फेरि बढ्न थालेको छ । ओमिक्रोनको नयाँ भेरियन्ट चीनमा तीव्र गतिमा फैलिरहेको छ। यस्तो अवस्थामा धेरै सहरमा लकडाउन लगाइएको छ । 

 

कोरोना सङ्क्रमण बढेपछि वित्तीय केन्द्र सांघाईमा पनि अर्ध–लकडाउन लगाइएको छ । यस्तो अवस्थामा अर्थतन्त्र कमजोर हुन नदिन चिनियाँ सरकारले विभिन्न उपाय अपनाएको छ ।

 

चिनियाँ कम्पनीहरुले कर्मचारीलाई सहयोग गर्न कार्यालयमै उनीहरुको लागि खाना, पिउने र बस्ने व्यवस्था गरेको छ ।

 

सांघाईको लुजियाझुई जिल्लामा करिब २० हजार कर्मचारी, बैंकर र व्यवसायी कार्यालयमा बस्दै आएका छन् ।

 

उनीहरुका लागि कार्यालयमा नै सुत्ने व्यवस्था मिलाइएको छ । स्लीपिङ ब्यागहरू अर्डर गरिएको छ र खानाको पनि व्यवस्था गरिएको छ। चीनमा मंगलबार रेकर्ड ४ हजार ४७७ केश देखिएको थियो ।

 

एकपछि अर्को शहरमा लकडाउनका कारण चीनको अर्थतन्त्रमा असर पर्ने सम्भावना बलियो हुँदै गएपछि यस्ता उपायहरु अपनाइएको हो । 

 

• कोरोनाको संक्रमण

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।