ललिता निवास प्रकरणमा थप एक जना पक्राउ

काठमाडौँ। ललिता निवास प्रकरणमा थप एक जना पक्राउ परेका छन्। यसअघि केन्द्रीय अनुसन्धान ब्युरो (सीआईबी)को टोलीले डिल्लीबजार मालपोतका तत्कालीन खरदार गोपाल कार्कीलाई पनि पक्राउ गरेको हो।

कार्कीसँगै यस प्रकरणमा पक्राउ पर्नेको संख्या ६ पुगेको छ। यसअघि सीआईबीको टोलीले भाटभटेनी सुपरमार्केटका सञ्चालक मीनबहादुर गुरुङसहित डिल्लीबजार मालपोत कार्यालयका तत्कालीन प्रमुख कलाधर देउजा, कर्मचारी सुरेन्द्रमान कपाली, हुपेन्द्रमाणि केसी र धर्मप्रसाद गौतमलाई पक्राउ गरेको थियो।