राज गोस्वामीको "कोसिस २" सिड्नीमा सार्वजनिक

• सोमबार, १२ कार्तिक, २०७५
• 3 years ago
• कला र मनोरञ्जन
• अष्ट्रेलिया

सिड्नी । विगत १० वर्षदेखि अष्ट्रेलियामा रहेर संगीतकर्म गर्दै आएका राज कुमार गोस्वामीको दोस्रो एल्बम ‘कोसिस २’ सार्वजनिक भएको छ । २७ अक्टोवर शुक्रबार अष्ट्रेलियाको सिड्नी रकडेलमा रहेको इन्द्रेणी फङ्सन सेन्टरमा आयोजित कार्यक्रममा गोस्वामीको दोस्रो एल्बम सार्वजनिक भएको हो । 

 

अष्ट्रेलियामा बसरे बिबिध क्षेत्रमा बिशेष योगदान गर्ने ब्यक्तिहरुबाट उक्त एल्बम विमोचन भएको हो । गायक गोस्वामिको लाइभ प्रस्तुति समेत रहेका उक्त बिमोचन कार्यक्रममा सिड्नीका संगित पारखिको बाक्लो उपस्थिति रहेको थियो । 

 

उपस्थित प्राय सम्पूर्णले गीतलाई एकदमै राम्रो भनेर प्रतिकृया दिएको गायक गोस्वामीले नेपालीपत्रलाई बताए । उनले भने, ‘सहभागिहरुको प्रतिकृयाले मलाई निकै उत्साहित बनाएको छ । आगामी दिनमा पनि गायन यात्रालाई निरन्तरता दिने छु । ’ 

 

गोस्वामीको एल्बम ‘कोसिस २’ मा १० वटा गीत समावेश छन् । पप, लोक पप, आधुनिक, मायाप्रेम र परदेशबाट देश सम्झने भावका गितहरु एल्बममा छन् । एल्बममा समावेस साइली र माईली, सोल्टीनी, काडाघरी, रंगबिनाको लगाएतका गितहरु निकै  चर्चीत छन् । 

 

यस एल्बममा समावेश ‘साइली र माइली’ रिमिक्स गीतको म्युजिक भिडियो युट्युवमा निकै रुचाइएको छ । यो गितको एक मिलियन भन्दा बढी पटक हेरिएको छ । 

 

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।