सबै देशमा फुटबल सुचारु भइसक्यो, हाम्रो रंगशालामा चाँही फिल्म र म्युजिक भिडियोको सुटिङ !

 आदरणीय राष्ट्रिय खेलकुद परिषद् तथा सम्माननिय सरकार ज्यूलाई मेरो सानो खुला पत्र, म नेपाली राष्ट्रिय टोली, एन्फा तथा व्यक्तिगत तर्फबाट कप्तान किरण चेम्जोङ सरकारलाई के भन्न चाहान्छु भने फुटबल मात्रै नभई सम्पुर्ण खेलकुदहरु आवश्यक मापदण्ड पूरा गरेर सुचारु गर्न आवश्यक छ ।

 

तपाईहरु किन एकान दुकान गर्दै हुनुहुन्छ ? के खेलाडी सँधै मर्म मै पर्ने हो ? हामी मर्ने अवस्था आएको हो भने भने तपाईंहरु जिम्मेवार निकायमा बसेको के अर्थ भयो र ? खेलाडीहरु सँधै काठमाडौँको धुलोमा तपाईहरु चाँही चिल्लो गाडीमा !

 

खेलकुद मन्त्रालय र खेलकुद परिषद्का माननिय ज्यु र नेपाल सरकार, सायद तपाईहरुले देशको नाम खेलकुद र खेलाडीले चिनाउने गरेको भन्ने कुरा बिर्सनुभयो होला । यतिका महिनासम्म खेलाडी कुन अवस्थामा छ भनेर तपाईहरुले चासो गर्नुभएन । फुटबलमा भविष्य खोज्ने भाई बहिनीहरुलाई यस अवस्थाले कस्तो असर परेको होला भन्ने कुरा खुलस्त देख्न सकिन्छ । 

 

सम्पूर्ण देशले फुटबललाई सुचारु गरिसकेको भए पनि हाम्रो देशमा खेलकुदको विषयमा बोलिदिने कोही पनि मान्छे भएनन् । खेलाडीका लागि मात्र होइन खेलकुद लागि पनि बोलिदिने मान्छे भएनन् । सबै देशमा फुटबल सुचारु भइसक्दा हाम्रो देशमा भने खेलको लागि दुःखत समयमा बनाइएको रंगशाला फिल्मको सुटिङ तथा म्युजिक भिडियो सुटिङको लागि खुल्ला भएको छ । फुटबल खेल्न चाँही किन नहुने ? फुटबलले देशका लागि त्यति ठूलो असर पार्छ र ! 

 

म अबका दिनमा सम्पुर्ण खेलमैदान खेलका लागि सुचारु गरिदिनुहुन हार्दिक अनुरोध गर्दछु । आखिर कहिलेसम्म नेपाली फुटबलको लोकदोहोरी फेसबुकमा हेरेर बस्ने ? हामीले नेपाली फुटबलको विकासका लागि कसैले केही गरिरहेको देखेका छैनौं । फुटबल खेलाडीले खेल्न बिर्सिसके । सरकार ! फुटबल राजनीति जस्तो होइन । बोलेर फुटबल खेल्ने गरिदैन । यो चिल्लो गाडीमा बसेर गफ लगाए जस्तो सजिलो हुँदैन । खेलाडीले २ खुट्टा चलाएर घर परिवार हेर्नुपर्ने हुन्छ । ७ महिना देखि बेरोजगार भएका खेलाडीको क्षतिपूर्ति कसले दिन्छ ? जुन खेलाडीले खेलेर नै जीविका चलाइरहेको थियो उ त आजभोलि खेलमैदान छोडेर विदेश पो जाँदै छ । यो त लाजमर्दो कुरा होइन र ! 

 

जय देश ! जय देश !! जय नेपाली फूटबल !!!

 

(नेपाली राष्ट्रिय फुटबल टिमका पोख्त गोलकिपर किरण चेमजोङले सामाजिक संजाल फेसबुकमा लेखेको खुल्लापत्रको सम्पादित अंश)

 


ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

नेपालमा १७ लाख स्वाबको परीक्षण

  • 10 seconds ago
नेपालमा १७ लाख स्वाबको परीक्षण

काठमाडौँ । नेपालमा पछिल्लो २४ घन्टामा जम्मा ९ हजार ४९१ स्वाबको पीसीआर बिधिबाट परीक्षण भएको छ । देशका विभिन्न प्रयोगशाला उक्त परीक्षण भएको स्वास्थ्य तथा जनसंख्या मन्त्रालयले जानकारी दिएको छ । मन

सरकार र निजी क्षेत्रको सामूहिक प्रयासबाट मात्रै आर्थिक वृद्धि हुन सक्ने प्रधानमन्त्री ओलीको भनाई

  • 5 minutes ago
सरकार र निजी क्षेत्रको सामूहिक प्रयासबाट मात्रै आर्थिक वृद्धि हुन सक्ने प्रधानमन्त्री ओलीको भनाई

काठमाडौँ । नेपालको निजी क्षेत्रको छाता सङ्गठन नेपाल उद्योग वाणिज्य महासङ्घ (एफएनसीसीआई)को ५४ औंँ वार्षिक साधारणसभा बिहीबारदेखि शुरु भएको छ । प्रधानमन्त्री निवास बालुवाटारमा आयोजित कार्यक्रममा प्रधानम

१० तस्बिरमा भिमादको सेती नदीमा तोरण

  • 9 minutes ago
१० तस्बिरमा भिमादको सेती नदीमा तोरण

तनहुँ । कार्तिक शुक्ल एकादशी अर्थात् हरिबोधिनी एकादशीका दिन आज तनहुँ जिल्लाको भिमादमा तोरण तारिएको छ ।



पर्यटन

मानुङकोटमा प्रहरीचौकी राखिने, शौचालय र खानेपानीको लागि पनि बजेट विनियोजन

मानुङकोटमा प्रहरीचौकी राखिने, शौचालय र खानेपानीको लागि पनि बजेट विनियोजन

तनहुँ । तनहुँको व्यास नगरपालिका–५ स्थित पर्यटकियस्थल मानुङकोटमा प्रहरीचौकी राख्ने तयारी भइरहेको छ । पछिल्लो समय पर्यटकको चहलपहल बढ्दै जान थालेपछि सुरक्षालाई ध्यानमा राखी अस्थायी प्रहरीचौकी राख्नका लागि प्रक्रिया अघि बढाइएको हो ।