किन राम्रो छैन किम र वाइडेनको सम्बन्ध ?

• बुधबार, २६ कार्तिक, २०७७
• 2 months ago
• अन्तर्राष्ट्रिय
• विचित्र विश्व

एजेन्सी । उत्तर कोरियाका शासक किम जोंग उन अमेरिकाका राष्ट्रपतिय निर्वाचनमा जित हात पारेका जो वाइडेनप्रति मौन रहेको छ । उत्तर कोरिया न्युक्लियर मिसाइलका लागि विश्वभर चर्चामा रहेको थियो ।

 

अमेरिकी राष्ट्रपति डोनाल्ड ट्रम्प र किमबीच तीनपटक भेटघाट भएको थियो । भेटघाट भएपनि कुनै निष्कर्षमा भने पुगेका थिएनन् । तर, ट्रम्प  र किमको सम्बन्ध भने सुधार भएको बताइएको थियो ।

 

विश्वको नजर अमेरिकी निर्वाचनमा रहेको थियो । वाइडेनले जित हात पारे पनि शक्तिशाली देशहरुले  भने हालसम्म बधाइ दिएका छैनन् । उत्तर कोरिया त झन् मौन नै रहेको छ ।

 

मिडिया रिपोर्टका अनुसार उत्तर कोरिया पुनः न्युक्लियर हतियार बनाउन लागि परेको छ । पछिल्लो समय दक्षिण कोरियासँग पुर्ण रुपमा सम्बन्ध तोडेको उत्तर कोरियाले वाइडेनलाई भने नजिकबाट नियाली रहेको बताइएको छ । किमलाई वाइडेनले चुनाव प्रचारका क्रममा नराम्रो टिप्पणी गरेका थिए ।

 

साथै वाइडेनले किमलाई एडोल्फ हिटलरसँग तुलना गरेका थिए । उनले किमलाई हत्याराकाे संज्ञा दिएका थिए । सोही कारण पनि उत्तर कोरिया वाइडेनसँग रुष्ट रहँदै आएको छ ।

 

उत्तर कोरियाले पनि उक्त टिप्पणीको प्रतिक्रिया दिएको थियो । उत्तर कोरियाको स्टेट मिडियाले वाइडेनलाई भुसिया कुकुरको संज्ञा दिएको थियो । उनलाई कुटीकुटी मृत्युदण्ड दिनुपर्ने समेत स्टेट मिडियाले छापेका थिए ।

 

अब भने उत्तर कोरिया र अमेरिकाको सम्बन्ध कस्ते रहला भन्ने चासो बढेको छ ।  

• किम
• वाइडेन

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।