जापानमा किन धेरै मानिसहरु गर्छन् आत्महत्या ?

• बुधबार, १७ मंसिर, २०७७
• 2 months ago
• अन्तर्राष्ट्रिय
• विचित्र विश्व

एजेन्सी । जापानमा मानिसहरु आत्महत्याका कारण मरिरहेका छन् । अक्टोबरमा प्रकाशित एक रिपोर्टका अनुसार जापानमा आत्महत्या गरेर २१५३ जनाले ज्यान गुमाएका थिए । त्यस्तै अक्टोबरमा प्रकाशित अर्को रिपोर्ट अनुसार कोरोनाका कारण २०८७ जनाले ज्यान गुमाए । 

 

बितेको एक वर्षमा कोरोनाबाटभन्दा पनि आत्महत्याबाट धेरैले ज्यान गुमाएका छन् । 

 

जापान ह्याप्पी प्लानेट इन्डेक्समा ५८ औँ स्थानमा रहेको छ । तर, आत्महत्याका कारण ठुलो सामाजिक समस्या देखिएको अधिकारीहरुले जनाएका छन् । 

 

आखिर जापानमा धेरैभन्दा धेरै मानिसहरु किन आत्महत्या गर्छन् । 

 

जापानमा गएको वर्ष २५ हजार मानिसले आत्महत्या गरेका थिए । रिपोर्टका अनुसार प्रत्येक दिन ७० जनाले आत्महत्या गरेका थिए । यसमा ज्यादादर पुरुष रहेका छन् । कुनै पनि विकसित देशका लागि यो सबैभन्दा ठुलो समस्या रहेको अधिकारीहरुले जनाएका छन् । विकसित देशमा सबैभन्दा बढी आत्महत्या गर्नेमा दक्षिण कोरिया अगाडि रहेको छ । 

 

बिबिसीको एक रिपोर्ट अनुसार हालै जापानमा एक ७१ वर्षिय वृद्धले बुलेट ट्रेनभित्र आफुलाई आगो लगाएर आत्महत्या गरेका थिए । उनले यात्राका क्रममा बाँकी यात्रुहरुसँग दुरी बनाउन खोजेका थिए । तर, उनको आग्रह अन्य यात्रुले मानेनन् । उनी दुखी भए । आँखाभरी आँशु भरिएको थियो । उक्त घटना प्रत्यक्ष रुपमा देखेका अनुसार ती व्यक्ति अत्यन्त दुखी थिए । उनी एल्मुनियमको केन जम्मा गरेर आफ्नो रोजीरोटी कमाउँदै आइरहेका थिए । 

 

जापान टुडेको एक रिपोर्ट अनुसार आत्महत्या जापानका लागि सबैभन्दा ठुलो सामाजिक मुद्दा बनेको छ । २२ वर्षिय एक युवक अनलाइन एबिउजको शिकार भएका थिए । उनले पछि आत्महत्या गरेका थिए । इन्टरनेटमार्फत भएको शोषणका कारण जापानमा उच्च आत्महत्या हुँदै आएको रिपोर्टमा उल्लेख छ । 

 

टोक्योको टेपल विश्वविद्यालयका एक मनोचिकित्सकहरुका अनुसार जापानमा आत्महत्याको प्रमुख कारण आइसोलेशनमा आफुलाई राख्नु हो । आफुलाई एक्लो राख्ने प्रवृत्तिका कारण पनि आत्महत्या बढेको अध्ययनले जनाएको छ । प्राय बजुर्ग व्यक्तिहरुले यस्तो हर्कत गर्दै आइरहेका छन् । आफ्ना सन्तानहरुले छोडेका कारण पनि उनीहरु दुखित हुने र आत्महत्या गर्ने निर्णय लिने गरेको अध्ययनले देखाएको छ । 

• जापान

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।