हिम्मत भए अविश्वासको प्रस्ताव लिएर आउन प्रचण्ड–नेपाललाई पोखरेलको चुनौति

• शुक्रबार, १४ फागुन, २०७७
• 1 month ago
• राजनीति

काठमाडौँ । उपप्रधानमन्त्री ईश्वर पोखरेलले नेकपाको प्रचण्ड–नेपाल समूहका अध्यक्षद्वय पुष्पकमल दाहाल ‘प्रचण्ड’ तथा माधवकुमार नेपाललाई अविश्वासको प्रस्ताव लिएर आउन चुनौति दिएका छन् । ओली समूहको सचिवालय सदस्य समेत रहेका पोखरेलले अविश्वासको प्रस्ताव लिएर आउन चुनौति दिएका हुन् ।

 

शुक्रबार ओली पक्षधर विद्यार्थी संगठन अनेरास्ववियूले काठमाडौँमा आयोजना गरेको भेलालाई सम्बोधन गर्दै उपप्रधानमन्त्री पोखरेलले हिम्मत भए संसद्मा अविश्वासको प्रस्ताव लिएर आउन चुनौति दिएका हुन् । ‘हिम्मत भए अविश्वासको प्रस्ताव ल्याउँ, प्रधानमन्त्री केपी ओली त्यसको संसदमा डटेर सामना गर्त तयार हुनुहुन्छ। हामी संसद् बोलाउँछौँ, कसको हिम्मत छरु अविश्वासको सामना गर्दा के परिणाम आउँछ त्यसलाई स्वीकार गछौँ’ उनले भने ।

 

उनले प्रधानमन्त्रीले राजीनामा नदिने पनि दाबी गरे । सर्वोच्च अदालतको निर्णयले मुलुकको राजनीतिलाई पुरानै फोहोरी खेलमा धकेलेको उनको भनाइ थियो । ‘अदालतको निर्णय हामी कार्यान्वयन गछौँ। तर, सर्वोच्च अदालतको निर्णय सबैभन्दा ठूलो होइन’ उनले भने, ‘सबैभन्दा ठूलो अदालत भनेको जनता नै हो।’

 

• ईश्वर पोखरेल

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।