उडिरहेकाे जहाजभित्र दुर्इ पाइलटबीच जब ककपिटमै कुटाकुट भयाे...

• एजेन्सी
• आइतबार, १३ साउन, २०७५
• 2 years ago
• अन्तर्राष्ट्रिय
• विचित्र विश्व

इरान । इरानी सहर मसहाडबाट राधानी बग्दादका लागि उडेको विमानको ककपिटभित्र बुधबार चालक र सहचालकबीच कुटाकुट चलेको छ ।

 

इराकी एयरवेजका चालक र सहचालकबीच ३७ हजार फिटको उचाइमा खानाको ट्रेलाई लिएर विमानभित्रै कुटाकुट भएको हो ।

 

इराकी एयरवेज व्यवस्थापनलाई सहचालकले लेखेको पत्रमा भनिएको छ, ‘अनुमति नलिएको भन्दै चालकले एयर होस्टेसलाई मलाई मिल ट्रे दिन रोक लगाएपछि चालकसँग चर्काचर्की भएको हो ।’

 

पत्रअनुसार आफ्नो खाना लिएपछि चालकले सहचालकलाई कुटपिट र दुर्व्यवहार गरेका थिए  । चालक र सहचालकको झगडा रोक्न विमानभित्रका सुरक्षा एजेन्टले हस्तक्षेप गरेका थिए ।

 

‘चालकले बारम्बार हिर्काउने र दुर्व्यवहार गरे’, सहचालकले भने, ‘मेरो तर्फबाट पनि प्रतिकार भयो ।’ चालक र सहचालकबीच कुटाकुटको विषयलाई इराकको यातायात मन्त्रालयले जाँच गरिरहेको छ ।

 

दुवै चालक निलम्बनमा परेको इराकी एयरवेजले जनाएको छ । दोषी चालकमाथि जीवनभर उडान गर्न प्रतिबन्ध लाग्न सक्ने इराकी समाचार संस्थाहरूले जनाएका छन् ।

 

यसैबीच, सो घटनाको इराकी नागरिकहरूले सामाजिक सञ्जालमा निन्दा गरेका छन् । एक सामाजिक सञ्जाल प्रयोगकर्ताले दुवै चालकलाई मिनिबसका चालकसँग तुलना गरेका छन् ।

• इराकी एयरवेज

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।