नेपालमा संघीय शिक्षा प्रणालीका अवसर र चुनौतीबारे लण्डनमा अन्तरक्रिया
- शुक्रबार, २५ जेष्ठ, २०७५
- 2 years ago
- युके
जगन कार्की , लन्डन । बेलायतस्थित युनिभर्सिटी कलेज लन्डन (युसिएल)मा नेपालमा संघीय शिक्षा प्रणालीका अवसर र चुनौतीका विषयमा एक अन्तरक्रिया कार्यक्रम सम्पन्न भएको छ ।
बिहिबार आयोजित कार्यक्रममा नेपालमा संघियताका अवसर र चुनौतीहरु बारे शिक्षा मन्त्रालयका प्रवक्ता डा हरि लम्सालले हालसम्मको शैक्षिक विकासक्रम र भविष्यमा संघीय संरचनामा मुलुक जांदै गर्दाका चुनौतिहरुबारे उल्लेख गरेका थिए ।
नेपालमा १ कक्षामा भर्ना भएका मध्ये ६७ प्रतिशत विद्यार्थीहरु १० कक्षा सम्म पुग्दा विद्यालयबाट पलायन भइसक्ने ,सामुदायिक विद्यालयहरुको पूर्वाधार राम्रो भइकन पनि राम्रो नतिजा निकाल्न नसकेको , निजि विद्यालयहरुले राम्रो गरेको हल्ला गरिएपनि करिब ५० प्रतिशत निजि विद्यालयहरु पूर्वाधार नै पुरा नभई चलिरहेको लगायतका अवस्था रहेको डा लम्सालले बताएका थिए ।
नयां संविधान र नीति लागु हुंदै गर्दा कक्षा ९ देखि समुदयायिक विद्यालयमा विद्यार्थी बढ्न थालेका, संघीय संरचनामा जांदै गर्दा कतिपय नीतिगत समस्या र यसलाई कार्यान्वयन गर्ने सवालहरुमा केहि अप्ठेराहरु देखिएका भएपनि भविष्यमा आशावादी रहेको उनको भनाइ थियो । लम्सालले सरकारी तवरबाट हाल सम्म भएका पहलहरु , कमीकमजोरी र भविस्यमा अपनाउनुपर्ने सजकताहरुका बारेमा स्पष्ट पारेका थिए ।
कार्यक्रमको संचालन गर्दै युनिभर्सिटी कलेज लन्डनका शिक्षा तथा अन्तरास्ट्रिय बिकास सम्बन्धी वरिस्ठ लेक्चरर डा तेजेन्द्र फेरालीले कार्यक्रममा सहजकर्ताको भूमिका निभाएका थिए ।
युसिएलबाट अर्थशास्त्रमा विद्यावारिधी गरेका तथा त्यहांको विद्यार्थी युनियनका पुर्व अध्यक्ष डा मिन रानाभाटले नेपालमा निजी शिक्षा र सामुदायिक शिक्षाको गुणस्तरमा रहेको ठूलो अन्तर र त्यसलाई घटाउन सरकारले अपनाएका नीतिहरुका बारेमा जिज्ञासा राखेका थिए । भोजराज बरालले शिक्षाको खस्किंदो गुणस्तर उकास्न कर्मचारीहरुको भूमिका के रह्यो भन्ने प्रश्न गरेका थिए । त्यसअवसरमा विभिन्न नेपाली तथा गैरनेपाली विद्यार्थीहरुले आफ्नो प्रश्न तथा प्रतिक्रिया जनाएका थिए ।
कार्यक्रममा बाथ युनिभर्सिटीका रबिन शिल्डले खाजा तथा संचारकर्मी तथा युसिएलका रिसर्चका विद्यार्थी गणेश खड्काले कार्यक्रमको प्रत्यक्ष प्रसारण गरेर सहयोग गरेका थिए । बेलायतका विभिन्न विश्वविद्यालयहरुबाट शिक्षाकर्मीहरु तथा नेपालको शिक्षा सम्बन्धी अध्ययन र चिन्तन गर्ने बेलायती नागरिक, नेपाली विद्यार्थीहरु लगायतको कार्यक्रममा उपस्थिति रहेको थियो ।
कार्यक्रमको अन्त्यमा डा तेजेन्द्र फेरालीले कार्यक्रम प्रत्यक्ष अप्रत्यक्ष रुपमा सहयोग गर्ने तथा उपस्थित हुने सबैलाई धन्यवाद ज्ञापन गरेका थिए ।
ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।
थप समाचार
तराईमा वासन्ती छठ पर्व सम्पन्न
- 2 minutes ago
महोत्तरी । उदाउँदो सूर्यलाई अघ्र्य दिँदै श्रद्धा, निष्ठा र लोकआस्थाको वासन्ती छठ पर्व आज सम्पन्न भएको छ । चैत शुक्लपक्षकोे षष्ठी तिथिका दिन हिजो अस्ताउँदो सूर्यलाई पहिलो अघ्र्य दिएका बर्तालुले आज बिहा
एमाले केन्द्रीय समिति बैठक बस्दै, माधव समूहद्वारा बहिस्कार
- 1 hour ago
काठमाडौं । सत्तारुढ दल नेकपा (एमाले)को केन्द्रीय समिति बैठक आज बस्ने भएको छ । प्रधानमन्त्री तथा पार्टी अध्यक्ष केपी शर्मा ओलीको सरकारी निवास बालुवाटारमा आज ११ बजेपछि बैठक बोलाइएको हो ।
सशस्त्र प्रहरी बल नेपालको दुई बिओपी स्थापना
- 1 hour ago
धनगढी । कैलालीमा आइतबार सशस्त्र प्रहरी बल नेपालको दुई वटा बिओपी स्थापना भएका छन् ।
पर्यटन
द्यो स्वगं पूजा (सगुन जात्रा)
भक्तपुर । बिस्का जात्राको आठौँ दिन आज भक्तपुरमा द्यो स्वगं पूजा (सगुन जात्रा) मनाइएको छ । आज बिहानैदेखि परम्परागत बाजागाजा धिमे बाजा, बाँसुरी बाजा र भजन खलःहरूले नगरका शक्तिपीठ तथा विभिन्न देवीदेवताको परिक्रमा गरी सगुन जात्रा मनाइएको हो ।
जीवनशैली
स्वास्थ्यका लागि लाभदायी पुदिना
काठमाडौं । पुदिनाको अचार सबैलाई मन पर्छ तर पुदिना केवल स्वादिलो मात्र होइन निकै गुनिलो पनि हुन्छ । पुदिनामा औषधीय गुण पाइन्छ र यसको नियमित सेवनले विभिन्न खालका स्वास्थ्य समस्याको समाधानमा सघाउ पुग्छ ।
विचित्र विश्व
भुटानमा कति पुग्यो कोरोना संक्रमितको संख्या ?
एजेन्सी । भुटानमा कोरोना संक्रमितको संख्या ९४१ पुगेको छ । थप ७ जनामा कोरोना संक्रमण पुष्टि भएपछि कुल संक्रमितको संख्या ९४१ पुगेको हो । कोरोनाका कारण हालसम्म भुटानमा एक जनाको मात्र मृत्यु भएको छ ।
