अष्ट्रेलियाको एक रेस्टुरेन्टमा श्रीमतीले बिल तिर्न नमानेपछि श्रीमान्ले प्रहरीलाई बोलाए

• बिहीबार, २४ माघ, २०७५
• 3 years ago
• अष्ट्रेलिया
• विचित्र विश्व

सिड्नी । पति पत्नीबीच झगडा हुनु आम कुरा हो । उनीहरुबीच के कारणले झगडा पर्छ । यो पनि रोचक कुरा हो । टीभीको रिमोटका लागि, खाने कुरा नमिठो हुँदा वा चिसो टावलका कारण वा एकअर्काको स्वभावका कारण पति पत्नीबीच झगडा हुने कुरा प्राय सामान्य नै लाग्छन् । एउटा यस्तो रोचक तर, कहिलेकाँही पति पत्नीबीच यति ठुलो झगडा पर्छ कि झगडा साम्य पार्न प्रहरी नै बोलाउनु पर्ने स्थिति सिर्जना हुन्छ । केही यस्तै घटना अष्ट्रेलियाको सिड्नी सहरमा भएको छ । घटना रोचक छ । होटलमा बिलका कारण पति पत्नीबीच ठुलो झगडा भएको छ ।

 

एउटा बिललाई लिएर पति र पत्नीबीच यति ठुलो झगडा पर्यो कि पतिले प्रहरीलाई बोलाएर श्रीमतीलाई पक्राउ गराए ।

 

यो घटना सिड्नीको कास्टवुड एरियाको रेल्वे स्ट्रीटमा रहेको एक रेस्टुरेन्टको हो । उक्त रेस्टुरेन्टमा उनीहरुले खाना खाए । दुवै जना मायाका साथ खाना खाइरहेका थिए । केही समयसम्म निकै राम्रो माहौल रहेको थियो । तर, अचानक उनीहरु झगडा गर्न थाले । पुरै रेस्टुरेन्ट उनीहरुलाई हेर्न थाल्यो ।

 

जब श्रीमतीले आधा बिल तिर्न मानिनन् तब उनीहरुबीच झगडा भएको थियो । रिसमा चुर भएका श्रीमान्ले अन्तत प्रहरी नै बोलाए । प्रहरीले घटनामा आएपछि सामान्य कुराका लागि दुख दिन नहुने भन्दै श्रीमानलाई अब फोन नगर्न भनेको बताइएको छ । तर, बिल कसले तिर्यो यो बारे भने थाहा नभएको मिडिया रिपोर्टमा उल्लेख छ ।  

 

• Australia

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।