पत्रकार महासंघ यूकेले थाल्यो सदस्यता शुद्धिकरण अभियान

  • सोमबार, १८ आषाढ, २०७५
  • 2 years ago
  • युके

लण्डन । नेपाल पत्रकार महासंघ यूके शाखाले संस्थाभित्र सदस्यता शुद्धिकरणको अभियान सुरु गरेको छ ।

 

शाखाको नवनिर्वाचित चौंथो कार्यसमितिको आइतबार सम्पन्न पहिलो बैठकबाटै शुद्धिकरण प्रक्रिया अघि बढाउन एक समिति गठन गर्ने निर्णय गरिएको छ । 

 

शाखाका संस्थापक सल्लाहकार भगिरथ योगीको संयोजकत्वमा वरिष्ठ उपाध्यक्षद्धय ध्रुबराज अर्याल र श्याम लुईंटेल, उपाध्यक्ष विमला सेने तथा महासचिव सञ्जयभक्त कंडेल सदस्य रहेको ५ सदस्यीय शुद्धिकरण समिति गठन गर्ने निर्णय बैठकले गरेको छ । 

 

पछिल्लो समय गैरपत्रकारहरु समेतलाई शाखाको सदस्यता वितरण भएको भन्दै संस्थाभित्रै चरम असन्तुष्टी र गुनासोहरु बढेपछि गत मे मा सम्पन्न अधिवेसनमै संस्थालाई शुद्धिकरणमा लैजाने प्रस्ताव पारित गरिएको थियो । 

 

उक्त समितिले नेपाल पत्रकार महासंघ बेलायत शाखाको सदस्यता प्राप्तिका लागि पूरा हुनुुपर्ने निश्चित आधारभुत मापदण्ड तयार गरी यसअघि सदस्यता प्राप्त गरिसकेका तथा सदस्यताका लागि आवेदन गर्नेहरु सबैले उक्त मापदण्ड पूरा गरेको वा नगरेको  सम्बन्धमा आवश्यक अध्ययन र छानबिन गर्नेछ ।  

 

सदस्यताको लागि योग्य तथा अयोग्य रहेकाहरुको बारेमा समितिले कार्यसमितिमा सिफारिस गर्ने र सोहि सिफारिसको आधारमा कार्यसमितिले निर्णय लिने बताइएको छ । चौंथो अधिवेसनअघि आवेदन गरेका तथा अहिलेसम्म निर्णय हुन बांकी रहेका १९ जनाको सम्बन्धमा पनि उक्त समितिले नै अध्ययन गरी कार्यसमितिलाई सिफारिस गरी पठाउने भएको छ । 

 

गत महिना सम्पन्न अधिवेसनको समिक्षा गर्दै बैठकले विगतमा भएका कमीकमजोरीहरुलाई सच्चाएर आगामी दिनमा संस्थाको प्रतिष्ठालाई उचो बनाउने गरी एकताबद्ध रुपमा अघि बढ्ने निर्णय गरेको छ । 

 

बैठकले अधिवेसनकै दिनमा नवनिर्वाचित महासचिव सञ्जयभक्त कंडेलमाथि कार्यसमितिकै नवनिर्वाचित सदस्य खुशी लिम्बुबाट भौतिक रुपमै आक्रमण भएको सम्बन्धमा परेको उजुरीमा आरोपित लिम्बुसंग १ साताको म्यादसहित लिखित स्पष्टिकरण माग्ने निर्णय गरेको छ । उनको स्पष्टीकरणपछि यस सम्बन्धमा आवश्यक निर्णय लिने जिम्मा पदाधिकारीहरुलाई दिइएको छ । 

 

बैठकमा निवर्तमान कार्यसमितिका महासचिव लिलामान शेरपुञ्जा र कोषाध्यक्ष पुर्ण लिम्बुबाट नयां कार्यसमितिका महासचिव सञ्जयभक्त कंडेल र कोषाध्यक्ष सिद्धार्थविक्रम क्षेत्रीलाई सम्बन्धित खातापाता तथा हिसाबकिताबको बुझ बुझारथ गरिएको थियो । 

 

त्यस्तै, यसअघि शपथ ग्रहण गर्न बांकी नयां कार्यसमितिका केहि पदाधिकारी तथा सदस्यहरुको शपथ ग्रहण पनि सोहि अवसरमा सम्पन्न गरिएको थियो । बैठकले शाखाका निवर्तमान सल्लाहकार केशव भण्डारीकी आमा श्रीमति कौशल्यादेवी भण्डारी तथा सदस्य प्रकाश अर्यालका पिता धर्मराज अर्यालको हालै निधन भएकोमा दुख व्यक्त गर्दै शोक प्रस्ताव पारित गरेको थियो । 

 

शाखाका अध्यक्ष नरेश खपांगी मगरको अध्यक्षतामा सम्पन्न बैठकको सञ्चालन महासचिव सञ्जयभक्त कंडेलले गरेका थिए । बैठकमा वरिष्ठ उपाध्यक्षद्धय ध्रुबराज अर्याल र श्याम लुईंटेल, उपाध्यक्षद्धय लिलामान शेरपुञ्जा र विमला सेने, उपमहासचिव नरेन्द बस्नेत, सचिवत्रय शिव भण्डारी, पुर्ण गुरुङ र जगन कार्की, कोषाध्यक्ष सिद्धार्थविक्रम क्षेत्री, सदस्यहरु गणेश खड्का, मञ्जु भण्डारी र खेमराज रानाभाटका साथै आमन्त्रित अतिथीका रुपमा संस्थापक अध्यक्ष नविन पोखरेल र संस्थापक सदस्य विपिन निरौलाको पनि सहभागिता थियो । 

 

तस्बिर : शिव भण्डारी 

 


Nepalishop

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

मंगलबार ४ हजार १२७ स्वाब परीक्षण

  • 38 seconds ago
मंगलबार ४ हजार १२७ स्वाब परीक्षण

काठमाडौँ । नेपालमा पछिल्लो २४ घन्टामा ४ हजार १२७ स्वाबको पीसीआर बिधिबाट परीक्षण भएको छ । देशका विभिन्न प्रयोगशाला उक्त परीक्षण भएको स्वास्थ्य तथा जनसंख्या मन्त्रालयले जनाएको छ ।

नेपालमा थप ७८ जनामा कोरोना पुष्टि

  • 3 minutes ago
नेपालमा थप ७८ जनामा कोरोना पुष्टि

काठमाडौँ । नेपालमा पछिल्लो २४ घन्टामा थप ७८ जनामा कोरोनाभाइरसको संक्रमण पुष्टि भएको छ । देशका विभिन्न प्रयोगशालामा गरिएको परीक्षणका क्रममा यी व्यक्तिमा कोरोनाभाइरसको संक्रमण पोजेटिभ देखिएको स्वास्थ्य

'ओलीलाई नेकपाले मात्र हटाउनसक्छ, अरुले सक्दैनन् '

  • 18 minutes ago
'ओलीलाई नेकपाले मात्र हटाउनसक्छ, अरुले सक्दैनन् '

धनगढी । जनता समाजवादी पार्टी नेपालका वरिष्ठ नेता राजेन्द्र महतोले साझा र समृद्ध नेपाल बनाउनलाई सबै मिल्नुपर्ने बताएका छन् ।



पर्यटन

महोत्तरीमा नगर महोत्सवको लहर

महोत्तरीमा नगर महोत्सवको लहर

बर्दिवास । महोत्तरीमा नगर महोत्सवको लहर चलेको छ । बर्दिवास उद्योग वाणिज्य सङ्घले तेस्रो बर्दिवास महोत्सव घोषणा गरेलगत्तै छिमेकको गौशाला नगरपालिकामा पनि गौशाला महोत्सव आयोजना हुन लागेको हो ।

जीवनशैली

पिसाब पोल्नुको कारण र उपचार विधि

पिसाब पोल्नुको कारण र उपचार विधि

एजेन्सी । शरीरमा रहेका विषाक्त पदार्थ पिसाबको माध्यमबाट बाहिर निस्कन्छन् । पिसाब पोल्नु र पिसाब गर्दा पीडा हुनुजस्ता समस्याले अन्य धेरै रोगको संकेत गर्छ ।

विचित्र विश्व

चिया टिप्दै प्रियंका गान्धी !

चिया टिप्दै प्रियंका गान्धी !

एजेन्सी । पछिल्लो समय प्रियंका गान्धी बाद्रा आसाममा हुन गइरहेको निर्वाचनमा आफ्नो पार्टीको प्रचारमा व्यस्त रहेकी छन् । दुई दिनको प्रचार कार्यक्रममा उनले बिश्वनाथमा चिया आदिवासीहरूसँग मंगलबार कुराकानी गरेकी छन्।