भारतकाे राजदूतमा उप्रेतीकाे सम्भावना सकियाे, पार्टीभित्रैकाे दबाबले पछि हटे प्रधानमन्त्री

• शुक्रबार, २५ साउन, २०७५
• 4 years ago
• राजनीति

काठमाडौँ । भारतका लागि राजदूत सिफारिश भएका पूर्व प्रमुख निर्वाचन आयुक्त नीलकण्ठ उप्रेतीको राजदूत बन्ने सम्भावना सकिएको छ । 

 

गत असार ३२ गतेको मन्त्रिपरिषद् बैठकले उप्रेतीलाई राजदूतमा सिफारिश गर्ने निर्णय गरेको थियो । निर्णय सार्वजनिक भएसँगै सत्तारुढ दल नेकपाभित्रै उक्त निर्णयको तीव्र विरोध भएको थियो । 

 

सत्तारुढ दलभित्रैका नेताहरूको दबाबपछि प्रधानमन्त्री केपी ओली उप्रेतीको नामलाई अगाडी नबढाउने निश्कर्षमा पुगेका हुन् । सोही कारण उप्रेतीलाई राजदूत सिफारिश गर्ने मन्त्रिपरिषद्को निर्णयलाई प्रमाणीकरण नगर्न प्रधानमन्त्री ओली मुख्य सचिवलाई निर्देशन दिएपछि भारतको राजदूतमा उप्रेतीको सम्भावना सकिएको हो ।

 

असार ३२ गतेको मन्त्रिपरिषद्को निर्णय प्रधाशित गरिएको प्रधानमन्त्री तथा मन्त्रिपरिषद् कार्यालयको वेवसाइटमा राजदूत बारे गरिएको निर्णय राखिएको छैन । बैठकले ६१ वटा निर्णय गरेकोमा ६० वटाको मात्र सूची वेवसाइटमा प्रकाशित गरेको छ ।

 

प्रधानमन्त्रीको निर्देशनपश्चात् निर्णय प्रमाणीकरण गर्ने बेला उप्रेती र मलेसियाका लागि राजदूत सिफारिश गरिएका उदयराज पाण्डेको नाम हटाइएको हो ।

• निलकण्ठ उप्रेती

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।