पूर्वी अफगानिस्तानमा तीन जना नेटो सैनिक मारिए

• आइतबार, २० साउन, २०७५
• 2 years ago
• अन्तर्राष्ट्रिय

काबुल, अफगानिस्तान । अमेरिकी सेनाले पूर्वी अफगानिस्तानमा आइतबार भएको आत्मघाती आक्रमणमा परी तीन जना नेटो सैनिकको मृत्यु भएको जनाएको छ । आक्रमणमा अमेरिकी सैनिक र दुई जना अफगान सेना घाइते भएका छन् । 

 

उत्तर एटलान्टिक सन्धि संगठन (नेटो) द्वारा जारी विज्ञप्तिमा पूर्वी अफगानिस्तानमा गस्तीमा रहेका सैनिकलाई लक्षित गरिएको जनाइएको छ । 

 

“अफगानी सेनासँगै गस्तीमा रहेका नेटो सैनिकलाई लक्षित गरी भएको आत्मघाती आक्रमणमा तीन नेटो सैनिकको मृत्यु भएको छ,” नेटोको विज्ञप्तिमा भनिएको छ । 

 

काबुलबाट करिब ६० किलोमिटर टाढा रहेको परवान प्रान्तको चारिकार सहरमा स्थानीय समयअनुसार बिहानै ६ बजे उक्त घटना भएको हो । मारिएका सैनिक कुन देशका हुन् भन्ने खुलाइएको छैन । 

 

अफगानी बिद्रोही समूह तालिबानले विज्ञप्ति प्रकाशन गरी घटनाको जिम्मेबारी लिएको छ । 

 

अमेरिकी नेतृत्वको नेटो सैन्यले सन् २०१४ मा अफगानिस्तानमा प्रत्यक्ष लडाइँका सम्पूर्ण कार्यक्रम समाप्त गर्नुका साथै ठूलो संख्यामा सैनिक फिर्ता लगेको थियो । तर अझै पनि तालिम र प्रतिआतङ्कवादी कार्यक्रमका लागि १६,००० सैनिक अफगानिस्तानमा तैनाथ छन् । 

 

नेटोका अनुसार, गत महिना दक्षिणी अफगानिस्तानमा भएको आक्रमणमा एक जना अमेरिकी सैनिक मारिनुका साथै दुई जना घाइते भएका थिए । 

• Afghanistam

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।