ट्रेनभित्र आधा घण्टा-२NepaliPatra News

ट्रेनभित्र आधा घण्टा-२

निष्प्रभ सजी

साउदी गएका एउटा साथीलाई त्यहाँको हालखबर कस्तो छ भनेर प्रश्न गर्दा, जवाफ यस्तो आएको थियो, "अरु त ठिकै छ यार ! घाम भने तालुमै पर्छ ।" क्विन्सल्यान्डबाट सिड्नी सरेपछि म र अभि आज एउटा कोठाको इन्सपेक्सनका लागि गएका थियौँ । ट्रेनभित्र छिरेपछि पनि हामी दुवै पसिना चुहाउँदै थियौँ । बिहान निक्लिँदा पि|mज रित्तो थियो, ब्रेकफास्टको रित्तो अनुहार लिएर निस्केका हामी फकिँदा पनि थकित र रित्तै थियौँ । करिब तीन घन्टाको दौडधूपमा पनि केही खाने अवसर मिलेन, सिटमा बसिसकेपछि पसिना पुछ्दै गरेको अभिलाई भनेँ, "अभि, ब्रेकफास्ट त नुनिलो हुँदो रै’ छ ।" अभि हाँसौँ कि नहाँसौँ गरेर थोरै मुस्कुरायो । आज अभि मसँग रिसाएको छ तर कारण मभन्दा बढी आजको अनुभव थियो । तर रिसको परावर्तन भने मतिर आयो ।

इन्सपेक्सन गर्न निक्लिएको घरमा पुगेपछि, यस्तै पचासको छेउछाउ उभिएको अस्ट्रेलियनले हामीलाई स्वागत गरेको थियो । हामी कोठाभित्र छिर्‍यौँ । उसले क्रमशः कोठा, किचेन र बाथरुम देखाउँदै गयो । घरभित्र निकै अनौठो गन्ध थियो । तर के को भन्ने हामीले ठम्याउन सकिरहेका थिएनौँ । त्यतिकैमा ब्याकयार्डतिर मोडियौँ, बल्ल घरभित्रको गन्धको कारण थाहा भयो । केथ अर्थात् घरमालिकले अजंगका दुइटा कुकुर पालेको रहेछ ।

ब्लग

हामीलाई अब कतिखेर यो घरबाट निक्लौँ भइरहेको थियो । केथले अझै कुकुरको नाम कृष्णा र अर्जुना राखेको सुनेपछि झन् संवादमा रौनक थपियो । कुकुरहरू, फार्ममा भएका भेडाहरूको हेरचाह गर्नका लागि पालिएका रहेछन् । हामीले बिना कुनै विश्लेषण, केथलाई फोनबाट सम्पर्क गर्ने निधोमा बिदा माग्यौँ । जाँदाजाँदै, उसले अभिलाई पि|mज खोलेर आइसक्रिम खान आग्रह गर्‍यो । हुन त आइसक्रिम जेलाटो थियो । अभिले आˆनो स्वास्थ्यको कारण देखाउँदै खान मानेन । हामी घरबाट बाहिर निस्कियौँ । बाहिर निस्कन नपाउँदै त्यो घरमा बस्न नहुने दुई वटा कारण निस्किए ।

एउटा, घरभित्रको गन्ध र अर्को समलिङ्गी केथ । कोठामा केटी बस्न नपाउने शर्त, केथको अभिप्रतिको आकर्षण र केथको हाउभाउका कारण हामीलाई यो निक्र्यौल गर्न समय लागेन । हामी ट्रेन स्टेशनसम्म केथको जेलाटो सम्झँदै हिँड्यौँ । यही जेलाटोको कारण ट्रेनभित्र ठुस्सिएर बसेको अभि बल्ल खुलेर हाँस्यो । देशमा दशैँको माहोल बनेको थियो । यता बस्ने ठेगान थिएन । बिहीबार परेको थियो, यो वर्षको विजया दशमी । यत्तिकैमा हरर्टसभील आयो, यो प्लेटफार्ममा झर्दा बेइजिड अथवा सिड्नी दुवै उस्तै लाग्छन् । घरमा रित्तो पि|mज पर्खिरहेको छ । प्लेटफार्मसँगै जोडिएको कोल्समा मान्छेहरूको भीड छ ।

nisprabhsaji@gmail.com

Views : 502 | Last Updated : 2011-10-18 09:58:02

No comments so far

-> रुवाउने सेतो धरती

सिनेमा हेर्दा भावुक दृश्यहरुमा आँखा रसाएको थियो धेरै पटक । त्यो पनि दृश्य र प्रसङ्ग परिवर्तन भएपछि खस्नै लागेका आँशु भए पनि थामिने गर्दथ्यो । अर्थात् प्रत्यक्ष रुपमा पात्रहरुले वास्तविक जस्तै भएर अभिनय गरेका कयौँ सिनेमाका अ�

-> त्यो ओलम्पिक, यो ओलम्पिक

साउनको ३ गते मैले घर छाडेँ । २०५३ साल थियो त्यो । एसएलसी त्यही सालको चैतमा दिनुपर्ने थियो । बाउआमाको कचकच एक कानले सुन्दै अर्को कानबाट फुस्स हावामा उडाइदिएँ । जीवनमा पहिलोपटक दुई साताको लागि घर छाड्दै थिएँ म । मनमा घर छाड्नुपर्द

-> सपनाको सहर

अस्पतालबाट बाहिरिदै गरेकी तृष्णा आज पखेटा फिँजाएर उड्न चाहन्छे । हुन पनि उसले आफूखुसी नउडेको ६ महिना भइसकेको थियो ।

-> 'मम्मी पोर्न'ले संसार हल्लायो

बेलायती लेखिका इ एल जेम्सको 'फिफ्टी सेड्स अफ ग्रे'ले छोटो अवधिमा नै धेरै किताब बिक्ने कीर्तिमान बनाएको छ । यसअघि जे के रोलिङको 'हृयारी पोर्टर' शृङ्खलाले यो कीर्तिमान बनाएको थियो ।