अर्न्तवार्ता

युरो संवाद

अष्ट्रेलिया संवाद

काठमाडौँ, भदौ १८ / यस वर्षको मिस नेपाल २०१० को काठमाडौँकी १९ वर्षीय सदीक्षा श्रेष्ठ भएकी छिन् ।

भद्रपुर, भदौ १९ / नयाँ संविधान छिटो बनाउन र कुर्सी मोह त्यागेर शान्ति प्रक्रियालाई सार्थक बनाउनका लागि झापा दुवागढीका महिलाले तीज पर्वको गीत र नृत्यको माध्यमले राजनीतिक पार्टीलाई सुझाव दिएका छन् ।

नुवाकोट (त्रिशूली), भदौ १९ / खरानीटार-६ मा शिवालय मन्दिर निर्माणका लागि सहयोग जुटाउन लोकदोहोरी, भजन तथा विभन्न साँस्कृतिक कार्यक्रम गरिएको छ । कार्यक्रममा राष्ट्रियस्तरका गायकगायिकाले भजन, लोकदोहोरी तथा लोकगीत गाएर मनोरञ्जन दिएका थिए ।

काठमाडौँ, भदौ १८ / अरुका चलचित्रमा चित्तबुझ्दो फिल्म खेल्न नपाएका रेश मरहठ्ठाले नयाँ फिल्म बनाएका छन् र यो फिल्मले नेपाली सिनेमाको दृश्य परिवर्तन गर्ने दाबी गरिरहेका छन् । श्याम भट्टराईद्वारा निर्देशित यो चलचित्रलाई सिमोश सुनुवारले प्रविधि निर्देशन गरेका छन् । यसको विषयवस्तु अलि फरक रहेकाले सुनुवार चाहिएको रेशले बताएका छन् ।

काठमाडौं, भदौ १७/पछिल्लो समय यदि कुनै फिल्मले बढी चर्चा पाएको छ भने त्यो 'दासढुंगा'ले पाएको छ । कारण स्पष्ट छ- यो राजनीतिक फिल्म भइकन पनि भरपूर मसला घुसाइएको छ । र, यसको प्रतीक्षा फिल्मप्रति रुचि राख्ने प्रायः सबैलाई छ । यसको निर्माण दल पनि आफ्नो फिल्मप्रति विश्वस्त छ भने कम्तीमा ३ लाख नेपालीले हलमा हेर्नेछन् ।

सधैंभरि ताजा समाचारको खोजीमा व्यस्त रहने पत्रकार अब गीतकार पनि बन्न थालेका छन् । अन्नपूर्ण पोस्ट दैनिकमा कार्यरत दाङका पत्रकार उदय जीएम पनि यस्तैमा पर्छन् । 'लाली छरिन्छ जब जब...' बोलको गजल नेपाल टेलिभिजनबाट प्रसारित सांगीतिक कार्यक्रम 'भ्वाइस अफ टिन'को उपाधि विजेता बेदु सारु मगरको आवाजमा लिएर सांगीतिक फाँटमा प्रवेश गरेका छन्- गीतकार एवं गजलकार उदय ।

काठमाडौँ, भदौ १५ / संविधानसभाका अध्यक्ष सुभास नेम्बाङले नेपाली चलचित्रको पर््रवर्द्धन र विकासमा लामो सेवा पुर्‍याएबापत् उद्धव पौडेललाई चलचित्र "दीर्घ साधना सम्मान" प्रदान गरेका छन् । चलचित्र विकास बोर्डद्वारा सोमबार राजधानीमा आयोजित "राष्ट्रिय चलचित्र पुरस्कार तथा सम्मान" वितरण कार्यक्रममा सोसम्मान प्रदान गरिएको हो । ताम्रपत्रसहित सम्मानको राशि दुइ लाख रुपियाँ रहेको छ ।

काठमाण्डौ, भदौ १३ / शुक्रबार साँझ बाहिर भदौरे झरी थियो र नेपालयको 'आर"शालाभित्र छातामुनि ओतिने प्रेमीका प्रसंगसँगै जोडिएर सुमधुर धुनहरू गुञ्जिँदै थिए । विगत ६ वर्षदेखि निरन्तरता पाउँदै आएको पलेँटीमा यासपाली मञ्चमा उपस्थित थिए गीतकार दिनेश अधिकारी । आरम्भमा दर्शकहरूलाई भित्रतिर आकषिर्त गरिरहेको हुन्छ दादरा तालमा बजेको स्फूर्त धुनले । पदीय कारणले प्राय औपचारिक पोशाकमा देखिने दिनेश जसरी आधा बाहुलाको सर्टमा अनऔपचारिक देखिन्छन् र कार्यक्रम पनि सहज र अनऔपचारिक रुपमै अगाडि बढ्छ । कार्यक्रम संचालकतिर इशारा गर्दै दिनेश आफ्नो अगाडिको माइक्रोफोन हातमा लिन्छन् र उपस्थित दर्शकलाई स्वागत गर्दै आफ्नो अभिव्यक्ति यसरी राख्छन् ­ 'पलेँटीसित अब म पनि जोडिएको छु । मजस्तो आवाज नभएका गीतकारले पनि तपाईंहरू सामु आउने एउटा माध्यम भेटेका छौं । आज म साह्रै हषिर्त छु ।'

काठमाडौँ, भदौ ६ / हिजोआज नेपालमा फेसबुक कति लोकप्रिय छ भन्ने कुरा नेपथ्यको नयाँ एल्बमको एउटा ट्रयाकलाई त्यहीँबाट रिलिज गर्नुबाट प्रष्ट हुन्छ । लोकप्रिय गायक अमृत गुरुङको फेसबुकमा रहेको फ्यान पेजबाट उनको नयाँ एल्बमको गीत सार्वजनिक गरिएको हो ।

काठमाडौं, भदौ ४ / यही भदौको १८ गतेदेखि नेपालभरका सिनेमा हलमा "दासढुंगा" लाग्ने भएको छ । पालो नकुरी यो सिनेमाले नेपालभरका हलमा लाग्ने अवसर पाएको हो । चलचित्र विकास बोर्डले विशेष अवार्ड दिएका कारण यो सिनेमाले पालो कुर्नु नपरेको सिनेमाका निर्माता अपिल बिष्टले नेपालीपत्रलाई जनाएका छन् ।

लसएन्जल्स, अमेरिका, भदौ १ / ल आउनुहोस्, अब यिनलाई चिनौँ । यी हुन्, कलाकार निक अफानासिभ । उनी बस्छन्, क्यालिफोर्नियामा । यिनी अमेरिकाकै सबैभन्दा लामो जिब्रो भएका व्यक्तिका रुपमा प्रख्यात छन् । यस कुरालाई हालै सान डिएगो न्यूज स्टेशन फक्स फाइभले जनाएको हो ।

लस एञ्जल्स, साउन २८ / सिनेमा र साहित्यको नाता हलिउडमा निकै पुरानो छ । सिनेमा बन्ने बित्तिकै किताब यति चाँडो बिक्री हुन थाल्छ कि लेखकहरु मालामाल भइहाल्छन् । यसको पछिल्लो उदाहरण बन्न पुगेको छ- एलिजाबेथ गिर्ल्बर्टले लेखेको संस्मरणात्मक उपन्यास "इट, प्रे, लब" ।

काठमाडौँ, साउन २८ / नायिका, मोडल तथा गायिकाको परिचय बनाएकी पूजा लामाले धर्म परिवर्तन गरेकी छिन् । बौद्ध धर्म मान्ने परिवारमा जन्मिएकी पूजा दुइ महिनाअघि मुसलमान बनेको आज साप्ताहिक पत्रिकाले जनाएको छ । दुइ महिनाअघि कतारको दोहाबाट मुसलमान बनेर फर्किएकी थिइन् ।

काठमाडौँ, साउन २४/स्वास्थ्यका लागि खाद्यान्न नेपाल प्राकृतिक प्रकोप राहत कोषले सन्चालन गरेको नेपालकै पहिलो एयर एम्बुलेन्सको सदभावना दूतमा नेपाली चलचित्र क्षेत्रका महानायक राजेश हमाल र गायिका कोमल ओलीलाई अगाडि सारेको छ ।

काठमाडौँ, साउन २४/नेपाल टेलिभिजनद्वारा प्रसारित भ्वाइस अप टिन कार्यक्रममा फस्ट रनरअप आकाङ्क्षा बस्यालका अभिभावकले एसएमएस भोटमा धाँधली गरेको भनाइप्रति हाइलाइटस नेपालले आपति जनाएको छ ।

काठमाडौँ, साउन २२ / नेपाली टीभीहरुमा रियालिटी शोको आकर्षा बढिरहेको छ । केही समयअघि डीजेहरुको प्रतिस्पर्धात्मक रियालिटी शो सकिएको केही समयमै नेपाल टेलिभिजनबाट प्रसारण भइरहेको भ्वाइस अफ टीन नामक गायन कार्यक्रमबाट बेदु सारु मगर विजयी भएका छन् । उनले ३ सय ७२ जनालाई उछिन्दै एक लाख रुपियाँ, होन्डाको ग्ल्यामर बाइकसँग अन्य थुप्रै उपहार पाएका छन् ।

काठमाडौँ, साउन २२ / नागार्जुन साहित्यिक प्रतिष्ठानले आज यहाँ साहित्यिक क्षेत्रमा योगदान पुर्‍याएका चार स्रष्टालाई सम्मान गरेको छ । सम्मानित हुनेमा साहित्यकार वासुदेव अधिकारी, नुमराज बराल, निभा शाह र हरिमाया भेटवाल रहेका छन् ।

जेनिशा केसी र विराज भट्टबीच पहिलो भेट भएको थियो २ वर्षअघि चलचित्र 'दोस्ती'को सुटिङमा । र, पहिलो फिल्ममै यी दुईबीच विशेष सम्बन्ध सुरु भइसकेको थियो । कतिसम्म भने नायक भट्टले यी नायिकालाई उनको ठाउँमा पुर्‍याउन लगाएर मात्र आफू आफ्नो ठेगानामा जान्थे । पछिपछि चाहिँ भरसक आफूले खेल्ने फिल्ममा यिनैलाई लिनका लागि चलचित्र निर्मातालाई दबाब दिन्थे । अहिलेसम्म यिनीहरु दुईबीचको सम्बन्ध कायमै छ ।

काठमाडौँ, साउन २०/मनोरन्जन उद्योगका बहुचर्चित कलाकार मदनकष्ण श्रेष्ठ र हरिवंश आचार्यलाइ यो वर्षको बासुदेव लुइटेल पुरस्कार प्रदान गर्ने घोषणा गरिएको छ । एक लाख ११ हजार एक सय ११ रुपियाँ राशीको यो पुरस्कार हरेक वर्ष साहित्य, रंगमन्च र कार्टुन कलामा योगदान पुर्याउने व्यक्ति वा संस्थालाइ प्रदान गर्ने गरिएको छ ।

काठमाडौँ, साउन २० / सामान्य विषयमा बनेको फिल्म भइदिएको भए चलचित्र निर्देशक मनोज पण्डित र निर्माता अपिल विष्टले यति धेरै चर्चा पाउने थिएनन् होला तर फिल्म रिलिज हुनै लाग्दा नेपालकै महान् नेता मदन भण्डारी र जीवराज आश्रितको मृत्युमाथि बनेको फिल्ममाथि सर्वत्र चासो बढिरहेकै छ । झन् सेन्सरबोर्डले फिल्मका कतिपय संवादमाथि अंकुश लगाएपछि त यो फिल्म हेर्नैपर्ने सूचीमा राख्नेहरूको पनि कमी छैन ।

काठमाडौँ, साउन १६ / संगीत स्रष्टाहरूलाई रोयल्टी दिन नेपाल टेलिभिजन र रेडियो नेपाल तयार भएका छन् । संगीत रोयल्टी संकलन समाजका अध्यक्ष श्रीपुरूष ढकालले यी दुई संस्थासँग रोयल्टी दिने कुराको सहमति भइसकेको जानकारी दिएका छन् ।

काठमाडौं, असार १५/कवि रामबहादुर सुवेदी राजीवद्वारा लिखित 'कमेनी आमा' र साहित्यकार अमर गिरीद्वारा लिखित 'समय, समाज र संस्कृति' नामक दुई कृतिमाथि शनिबार राजधानीमा समीक्षा गरिएको छ ।

पर्सा (वीरगञ्ज), साउन १४ / पत्रकार नारायण वाग्लेले आफूले लेखेको 'मयूर टाइम्स' उपन्यास सामाजिक सद्भावको प्रतीकका रुपमा रहेकाले एकपटक अध्ययन गर्नका लागि सबैलाई आग्रह गर्नुभएको छ ।

काठमाडौँ, साउन १३ / गएको साता राजधानीमा प्रदर्शन भएको 'संघर्ष जिन्दगी'को निकै समय बक्स अफिसमा राज गर्ला भन्ने सोचिएको थियो तर एक साता नबित्दै राजधानीका प्रमुख सिनेमा हलबाट उत्रिन पुगेको छ । बक्स अफिसमा राज गर्ने आशा किन गरिएको थियो भने, यसमा अहिलेका चल्तीका नायक राजेश हमाल र निकै समय ठूलो पर्दाबाट हराएकी नायिका विपना थापा सिनेमाका मुख्य आकर्षण थिए ।